منتدي الحماداب ( كبوشيه )
مرحب بكم well come



 
الرئيسيةالبوابةالمشاركات الجديدهالتسجيلدخول
مرحب بكم في منتداكم العمر بكم
الحماداب اهلي العزاز
المواضيع الأخيرة
» أقٌبْلتُ والڪَلٍ يسْألُ يٌآتُرىْ منُ اڪَونْ..//ْ~♥
الأحد أكتوبر 23, 2011 9:57 pm من طرف محمد الزعيم

» قصه قصيره , وحكمه رائعه
الأربعاء أكتوبر 12, 2011 7:22 pm من طرف محمد الزعيم

» برنس الهلال يفجر مفاجأة من العيار الثقيل ويقرر الاعتزال
الإثنين سبتمبر 19, 2011 5:47 pm من طرف محمد الزعيم

» فرسان الهلال يخوضون اشرس معركة بالدار البيضاء وسوء الطالع يحرمهم من هز الشباك
الإثنين سبتمبر 19, 2011 5:46 pm من طرف محمد الزعيم

» الف مبروك للهلال التاهل
الإثنين سبتمبر 19, 2011 5:45 pm من طرف محمد الزعيم

» مبروك المولودة خالد كمال
الأحد سبتمبر 11, 2011 4:17 pm من طرف أبو المنذر

» تهاني العيد
الإثنين سبتمبر 05, 2011 6:44 am من طرف سيف الدين

» كل عام وانت بخير
الأربعاء أغسطس 31, 2011 12:52 am من طرف سيف الدين

» اسامه التعاون والغزال مفاجأة ميشو للقطن والبعثة تعود عقب المباراة مباشرة
الأحد أغسطس 28, 2011 4:36 pm من طرف محمد الزعيم

» هلال التحديات في اصعب المواجهات لصدارة دوري المجموعات
الأحد أغسطس 28, 2011 4:34 pm من طرف محمد الزعيم

» البرنس يعلن الجاهزية والمرعب سادومبا يؤكد هز الشباك لصدارة قائمة الهدافين الافريقية
الأحد أغسطس 28, 2011 4:33 pm من طرف محمد الزعيم

» الجديد شديد
الخميس أغسطس 25, 2011 7:51 pm من طرف محمد الزعيم

» الهلال يهزم الرومان بثلاثة اهداف ويتأهل لنصف نهائي كاس السودان
الخميس أغسطس 25, 2011 6:23 pm من طرف محمد الزعيم

» المريخ يعبر موردة الفاشر برباعية نظيفة ويصطدم بالنسور الامدرماني في نصف نهائي كاس السودان
الأربعاء أغسطس 24, 2011 10:39 pm من طرف محمد الزعيم

» القناص سادومبا يعود لتدريبات الهلال ويدحض الشائعات
الأربعاء أغسطس 24, 2011 10:35 pm من طرف محمد الزعيم

» ميشو يدفع بالتشكيلة الافريقية بقيادة كاريكا للاطمئنان على اخر الاستعدادات والجاهزية
الأربعاء أغسطس 24, 2011 10:33 pm من طرف محمد الزعيم

» الهلال يصارع الرومان الليلة بام درمان في كاس السودان
الأربعاء أغسطس 24, 2011 10:30 pm من طرف محمد الزعيم

» رحلة العيد
السبت أغسطس 20, 2011 4:46 pm من طرف أبو المنذر

» مرحبا هشام عبد الجليل
الجمعة أغسطس 19, 2011 9:48 pm من طرف سيف الدين

» ميشو ينتقد تحكيم المباراة ويقول: العرب قدم خدمة فنية للازرق قبل لقاء القطن
الخميس أغسطس 18, 2011 6:57 pm من طرف محمد الزعيم


شاطر | 
 

 قصائد للشاعر جاد الله عثمان

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد الزعيم
مشرف
مشرف
avatar

عدد المساهمات : 368
عدد النقاط : 533
تاريخ التسجيل : 28/03/2011
العمر : 28
الموقع : امدرمان

مُساهمةموضوع: قصائد للشاعر جاد الله عثمان   الأحد أغسطس 07, 2011 4:56 pm

بصوت الفنان عزالدين شكرى

مخلوقة أدهشت الخلوق إحتاروا فيها استغربوا
لوشافه غيس ماكان بينظم شعرو ليلى ويكتبو
لوشافه برضو جميل أكيد ماكان بثينه بتعجبو
عينيها شاهره سيوفه عنترة بى سيوفو بترهبو
يظهر نجم عز النهار ضوء الشمس مايحجبو
جدى الغزال وسط الزحام جمع الخلق مايرعبو
يازهرة جملتى الفرع أدخلتى فى أركانو ضو
إتوجهت نسمات شعرنا عشان تغازلو تداعبو
بخت الهواهو يعذبك زى ماهواكى معذبو
بخت السعيد ياحلوة يصبح لى وليداتك أبو
قُت لى تعابيرى أوصفوا أمعجتهن لى أعرضو
قالن ده فات حد الوصف لكن شويه نقربو
عودو الرطيب حبة نسيمه تــلـــعــــــــبو
وجهو المنير لخبت حساب البالقمر كان يحسبو
بسماته تتشالع بروق خلت أعضاى يضاربو
والشامه فوق خدو الشمال شان من عيونا تحجبو
نظرات عيونا آه من عيونا على التصادفو تكهربو
ترسل سهم ياذى القلب بى الفيهو مابتحسبو
ياداب عرفت إنك شمالية الأصل ابو عن أبو
فكرت فى قول الجدود كان لينا دايما يقلدو
قالوا الشمال منبع درر حسدو القدر فى مكسبو
سوى العمل سبب أرتحال لى أهلنا بيهو اتسببو
وإتناثرت درر الشمال ساعت عقيدو أتجاذبو
وعمت جنوب سودنا شرقو ومغربو
يابابنوسه استبشرى ملكة جمالك لقبو
فيك كوكباً يهدى البضلو عنك يضهبو
فيك الفريد يابابنوسه الزيو قط ماأنجبو
الشافه بختو وبختى بى الزمن القليل الفزتبو

_________________
يا مالي عيني باليقين مالي لي حد العشق
لمتين بتتواري وتبين لا بتصفي لا يوم نتفق
affraid
الرجوع الى أعلى الصفحة اذهب الى الأسفل
http://kaboshia0122783581@yahoo.com
محمد الزعيم
مشرف
مشرف
avatar

عدد المساهمات : 368
عدد النقاط : 533
تاريخ التسجيل : 28/03/2011
العمر : 28
الموقع : امدرمان

مُساهمةموضوع: رد: قصائد للشاعر جاد الله عثمان   الأحد أغسطس 07, 2011 5:04 pm

ورينى شن وداك تحب زول مابيحب غير نفسو بس
خلاك تبكى وتنتحب فى عتمه مابتــعرف قــبـــــس

حبتو زى غيس زى جميل لكنو جد ماقدرك
حبيو والحب مستحيل فى دنيا كلها معترك
وساويتو بى قامة النخيل ختاك فى اسفل درك
وصبرت عليهو صبرجميل لكن سهابك ودرك

زول ماقدر فى يوم يحس بى حبك العاتى العريض
كلمات حنانك مابتمس وجدانو حتى وكت تفيض
من ريدو قول لى شن ورث غيركل يوم معلول مريض
حلقك من الكوراك يبس جواك ندب نبع الغريض

لوكان غناك لى جبل كان صدع وحنه شــعر
أو كنت غنيت للسهل كان زرعو اينع وازدهر
لو كان غناك للغيث هطل أو للقمر كان جاء وحضر
لكن غناك كان بى أمل لى زول قليبو على حجر

مانحن فى الزمن الخطأ كل حاجه عندنا بى تمن
زمناً مشاعرو محنطه أحلامو ترزح فى الكفن
فوقنا الهموم متوهطه احلى الكلام هو الإندفن
وين نلقى للمكشوف غطا ولمتين نلوليك يامحن

خليهو وأنسى بلاندم مادام نساك واتجاهلك
زولا بكيت علشانو دم مابهمو ريدك يكتلك
خلدتو فى أجمل نغم لكنو قاسى بيجهلك
زول منو إتقطع العشم صدقنى مابستاهلك

_________________
يا مالي عيني باليقين مالي لي حد العشق
لمتين بتتواري وتبين لا بتصفي لا يوم نتفق
affraid
الرجوع الى أعلى الصفحة اذهب الى الأسفل
http://kaboshia0122783581@yahoo.com
محمد الزعيم
مشرف
مشرف
avatar

عدد المساهمات : 368
عدد النقاط : 533
تاريخ التسجيل : 28/03/2011
العمر : 28
الموقع : امدرمان

مُساهمةموضوع: رد: قصائد للشاعر جاد الله عثمان   الأحد أغسطس 07, 2011 5:06 pm

تبقي حبيبو كيف

تبقى حبيبو كيف لو سبتو فى أحلك ظروفو
إنت سبب أنينو ونوحو تستكتر تشــــــوفو
زولا بى هواك اسرتو ختاك جوه جــــــوفو
واخيبت ظنونو الفيك واضيعت حــــــروفو
بستان الهوى الزارعنو إتحتت قطــــــوفو
والبحر انحسر بى الحسرة فـارق لى جروفو
فى وادى الندم والحسرة سبتو وراك ينادى
مارشت سحايبك فوقو ما غشت البوادى
كان قايل نداك برويهو تانى تشوفو نادى
اتارى هواك سراب مابيروى للعطشان وصادى
إت عارف أذاهو براك عارف وين دواهـــو
وعارف البيهو يامحبوبو من كترت هواهو
ياخى لو نظرات حنان تكفيهو ليهو تعيد قواهو
لكن انت بيها بخلت جودتبا لى سواهو
عرف قدرو ومقامو معاك ياالقللت قدرو
عشلن الناس رميتو مشيت كأن مايهمك أمرو
الناس لو بعرفوا البينا كانوا أكيد بعزرو
عشان أصلو النسيم مابيبقى لو حرموهو زهرو
ياخى بعد الحل لاقيتو فيك ماسكلو جمرو
لأنو صبر عليك كفاية وانت نهيتلو أمرو
وسيل دمعو ليك أنينو والحرمان وهجرو
وقرر انو يبقى أساك لأنك ما بتخبرو
فى ساعة إحياجو إليك اتخلته عنـو
إتوسل اليك ناداك لقاك بعدت منـو
فيك آخر بصيص آمالو كلماتك طعنو
كتلت الفرح فى جواهو فيك خيبت ظنو

_________________
يا مالي عيني باليقين مالي لي حد العشق
لمتين بتتواري وتبين لا بتصفي لا يوم نتفق
affraid
الرجوع الى أعلى الصفحة اذهب الى الأسفل
http://kaboshia0122783581@yahoo.com
محمد الزعيم
مشرف
مشرف
avatar

عدد المساهمات : 368
عدد النقاط : 533
تاريخ التسجيل : 28/03/2011
العمر : 28
الموقع : امدرمان

مُساهمةموضوع: رد: قصائد للشاعر جاد الله عثمان   الأحد أغسطس 07, 2011 5:08 pm

سراب

سراب مابيروى للعطشان وهم كضاب اتاريكا
سقيتنى حناضل الحرمان وانا المستنى صافيكا
تصدق عمرى ماأتخيل يموت حتى الضمير فيكا
تجرتق قلبى باللأحزان تخت الحنه فى أيــديكا
هويتك دون بنى الانسان عشقت اخترت عينيكا
متيم قلبى بيك ولهان فى اعمـــاقى خــاتيكـــا
رويتك بى وفاء وتحنان فيض تحنانى راويكا
جزاى خليتو للنسيان نسيتنى وقلبى طاريكا
سراب باريتو كت عشمان سنين باريت خطاويكا
أبيت أرجاك فوق نيران تعود بالشواق ألاقيكا
وراك ضقت العذاب ألوان تزعلنى وأرضيكا
مصيبتى انا كت بيك هيمان قلبنى انا ابقى ساليكا
رجيتك وطالت الازمان ضــيع عمــرى راجيكا
بلاك ماعندى كان حبان متيم قلبى كان بيكا
وكت سال الدمع حتان تصدق مانى باكيكا
وعليك صدقنى ما ندمان ولاباكى ضياع معانيكا
أريت فى غفوت الهجران ضميرك يوم يصحيكا
يذكرك الوداد الكان أمانى الروح أمــــانــيـكــا
حلفت لى كت بالإيمان محال يوم تنسى ماضيكا
مشيت خليت حياتى هوان فراقنا ولاهو هاميكا
قبل يبقى الفراق عنوان أريت تسمعنى أوصيكا
حال الدنيا والأكوان عليكا ويم تكون ليكا
بين هسى وقبيل شتان أكيد زمنك بيوريكا
وكت عاشق وحيد شقيان وقف لى الله شاكيك

_________________
يا مالي عيني باليقين مالي لي حد العشق
لمتين بتتواري وتبين لا بتصفي لا يوم نتفق
affraid
الرجوع الى أعلى الصفحة اذهب الى الأسفل
http://kaboshia0122783581@yahoo.com
محمد الزعيم
مشرف
مشرف
avatar

عدد المساهمات : 368
عدد النقاط : 533
تاريخ التسجيل : 28/03/2011
العمر : 28
الموقع : امدرمان

مُساهمةموضوع: رد: قصائد للشاعر جاد الله عثمان   الأحد أغسطس 07, 2011 5:11 pm

الظروف
ك / جادالله عثمان
غ / عزالدين شكري



كـيـفـن ألـم عـلـيـك واتهـنـا مـادام الظروف حكمانى

والـزمـن الـعـنـيـد مـاحـنّ والـدنيا العبوس حارمانى

حـرب الـريـد على مـا ونىّ واسياف الغرام كاتلانى

والـقـلـب الـجـريـح ومعـنىَّ جرحك دموا ينزف تانى

مـاعـزرونى فـيـك اهـلـنـا فـيـك كل الخلـوق لايمانى

مـا أصـلو البحـب فـى زمـنـا فى قانونـا بصبح جانى

قيس لو مرة حبّ وجنا برضي أنا ذيوا روح شقيانى

بـيــن الآهــة بـيــن الأنـه الـشـقـى والعـذاب عنوانى

كـل مـا الـقـمـرى قـوقـا وغـنــا تتهـيج على اشجانى

طـمـبـورنـا وتــر غـنـا احـسـبــوا جـوه فى وجـدانى

راجـى الله الـبـيـدى الجـنة بيك يجمعنى يا المازيانى

اكـون رابـط الـحـرير والحـنة ابشر والخلوق تبعانى

تـبـسـم لى الزهـور فى الجنـة يتبكى السحاب باكانى

شـاركنـى الـفـرح مـا ضـنىّ رشـى وخـدر الـوديـان

_________________
يا مالي عيني باليقين مالي لي حد العشق
لمتين بتتواري وتبين لا بتصفي لا يوم نتفق
affraid
الرجوع الى أعلى الصفحة اذهب الى الأسفل
http://kaboshia0122783581@yahoo.com
محمد الزعيم
مشرف
مشرف
avatar

عدد المساهمات : 368
عدد النقاط : 533
تاريخ التسجيل : 28/03/2011
العمر : 28
الموقع : امدرمان

مُساهمةموضوع: رد: قصائد للشاعر جاد الله عثمان   الأحد أغسطس 07, 2011 6:38 pm

في غرامك لي شريك

غناء: عز الدين شكري

ما كت قايل في غرامك لي شريك لكن عرفت وتاني ما برجع اليك
والله كل ما اذكرك اذكر انو معاي شريك
زي ما قليبي انا اشتهاك تلقيهو ايضا مشتهيك
قول لي ذنبي وذنبو ايه ما الناس جميع مفتونة بيك
طماعة يا ست الجمال كيفن تطيري مع جريك
****
ما كل غرام بيظل غرام وما كل بريق سن ابتسام
وماكل خطوة الى الامام احيان بيتعثر مشيل
****
قول لي كيف قلبك سمع يخدع قليب ليك انشرح
ودرتي زول كايس الفرح عيشتي في دنيا الترح
مستني كان تبقيلو غيمة تظلّي من حرا لفح
لكن بقيتيلو الهجير في وادي منو الغيم نزح
****
لو قيس سمع ما كان بجن كان يرثي في حالي يحن
كان يبكي زين دمعاتو تهطل فوق عيونو تغسلن
ما بيرضى انو الغرام يصبح سلع نتبادلن
ورغم الحصل،،،
قلبي الانين لا راضي في نفسو الخداع لا راضي لي غيرو الانين
واحساسو يا ست الجمال ما بيرضى غيرو يعيش حزين
****
وانا اصلي من ريدك قنعت آخر وصية بقولا ليك
ابقي عشرة علي البريدك لا تخيبي ظنو فيك
ابقي زي ليلى وبثينة الغرور لا يعتريك
قالو عاقب الريد عداوة انا من عداوتو بخاف عليك

_________________
يا مالي عيني باليقين مالي لي حد العشق
لمتين بتتواري وتبين لا بتصفي لا يوم نتفق
affraid
الرجوع الى أعلى الصفحة اذهب الى الأسفل
http://kaboshia0122783581@yahoo.com
 
قصائد للشاعر جاد الله عثمان
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي الحماداب ( كبوشيه ) :: المنتدييات العامة :: المنتدي الثقافي-
انتقل الى: