منتدي الحماداب ( كبوشيه )
مرحب بكم well come



 
الرئيسيةالبوابةالمشاركات الجديدهالتسجيلدخول
مرحب بكم في منتداكم العمر بكم
الحماداب اهلي العزاز
المواضيع الأخيرة
» أقٌبْلتُ والڪَلٍ يسْألُ يٌآتُرىْ منُ اڪَونْ..//ْ~♥
الأحد أكتوبر 23, 2011 9:57 pm من طرف محمد الزعيم

» قصه قصيره , وحكمه رائعه
الأربعاء أكتوبر 12, 2011 7:22 pm من طرف محمد الزعيم

» برنس الهلال يفجر مفاجأة من العيار الثقيل ويقرر الاعتزال
الإثنين سبتمبر 19, 2011 5:47 pm من طرف محمد الزعيم

» فرسان الهلال يخوضون اشرس معركة بالدار البيضاء وسوء الطالع يحرمهم من هز الشباك
الإثنين سبتمبر 19, 2011 5:46 pm من طرف محمد الزعيم

» الف مبروك للهلال التاهل
الإثنين سبتمبر 19, 2011 5:45 pm من طرف محمد الزعيم

» مبروك المولودة خالد كمال
الأحد سبتمبر 11, 2011 4:17 pm من طرف أبو المنذر

» تهاني العيد
الإثنين سبتمبر 05, 2011 6:44 am من طرف سيف الدين

» كل عام وانت بخير
الأربعاء أغسطس 31, 2011 12:52 am من طرف سيف الدين

» اسامه التعاون والغزال مفاجأة ميشو للقطن والبعثة تعود عقب المباراة مباشرة
الأحد أغسطس 28, 2011 4:36 pm من طرف محمد الزعيم

» هلال التحديات في اصعب المواجهات لصدارة دوري المجموعات
الأحد أغسطس 28, 2011 4:34 pm من طرف محمد الزعيم

» البرنس يعلن الجاهزية والمرعب سادومبا يؤكد هز الشباك لصدارة قائمة الهدافين الافريقية
الأحد أغسطس 28, 2011 4:33 pm من طرف محمد الزعيم

» الجديد شديد
الخميس أغسطس 25, 2011 7:51 pm من طرف محمد الزعيم

» الهلال يهزم الرومان بثلاثة اهداف ويتأهل لنصف نهائي كاس السودان
الخميس أغسطس 25, 2011 6:23 pm من طرف محمد الزعيم

» المريخ يعبر موردة الفاشر برباعية نظيفة ويصطدم بالنسور الامدرماني في نصف نهائي كاس السودان
الأربعاء أغسطس 24, 2011 10:39 pm من طرف محمد الزعيم

» القناص سادومبا يعود لتدريبات الهلال ويدحض الشائعات
الأربعاء أغسطس 24, 2011 10:35 pm من طرف محمد الزعيم

» ميشو يدفع بالتشكيلة الافريقية بقيادة كاريكا للاطمئنان على اخر الاستعدادات والجاهزية
الأربعاء أغسطس 24, 2011 10:33 pm من طرف محمد الزعيم

» الهلال يصارع الرومان الليلة بام درمان في كاس السودان
الأربعاء أغسطس 24, 2011 10:30 pm من طرف محمد الزعيم

» رحلة العيد
السبت أغسطس 20, 2011 4:46 pm من طرف أبو المنذر

» مرحبا هشام عبد الجليل
الجمعة أغسطس 19, 2011 9:48 pm من طرف سيف الدين

» ميشو ينتقد تحكيم المباراة ويقول: العرب قدم خدمة فنية للازرق قبل لقاء القطن
الخميس أغسطس 18, 2011 6:57 pm من طرف محمد الزعيم


شاطر | 
 

 أروع ما أنحفنا به القامه التجاني حاج موسي

اذهب الى الأسفل 
كاتب الموضوعرسالة
الشجن الاليم
العضو الفعال
العضو الفعال
avatar

عدد المساهمات : 131
عدد النقاط : 210
تاريخ التسجيل : 11/04/2011

مُساهمةموضوع: أروع ما أنحفنا به القامه التجاني حاج موسي   الثلاثاء أبريل 26, 2011 6:49 pm

واحشنى يا الخليت ملامحك ..

فى حياتى ،

واحشنى يا الرسيت مراسيك ..

جوة ذاتى ،

الا باكر لما ترجع ،

أنا بحكى ليك عن الحصل ،

وعن بعد المسافة وقربها

ولمن يفارق زول عيون

غاليات عليهو كتير خلاص وبحبها

والله أحكام يا قدر

والله أحكام يا مسافة ويا سفر

***

وانت لما بتسيبنى وتسافر

خت فى إعتبارك ،

انو دنياى فى مدارك

وجد- لفافات الصبر دخنتها

وكل المقاطع فى غناى طوعتها

وغريبة غنت ،

فرحة ... لا ... لا

غربة ..لا....لا

تقصد شنو ما عرفتها

وأهى تجربة .....

خطيرة – جد – وأجتزتها

ولسة واحشنى
الرجوع الى أعلى الصفحة اذهب الى الأسفل
الشجن الاليم
العضو الفعال
العضو الفعال
avatar

عدد المساهمات : 131
عدد النقاط : 210
تاريخ التسجيل : 11/04/2011

مُساهمةموضوع: رد: أروع ما أنحفنا به القامه التجاني حاج موسي   الثلاثاء أبريل 26, 2011 6:59 pm



والله أيام يا زمان … ببكي وأتحسر عليك
ومابيقولو العشناه كان … وأرمي حبت لومي فيك
والله أيام يا زمان ..
لسه راجيك يازمان … بحبة الذكرى المعاي
عايشه في وجداني جوة … ولسة بتدغدغ حشاي
ويمكن الحبيتو مرة … ألقاه في كلمات غناي
أصلو بتصحي المشاعر … ويمكن الطول سهاي




تغشى ليلاتو البشاير .. ويمكن الفرح الزمان ..
لسة أصداه بترن .. غنوة حاضناها الضفاير
والله أيام يا زمان ..




جايز الأيام تحن … وتصحي فيك نبل المشاعر
ويمكن المجروح يئن … وتغشى ليلاتو البشاير
ويمكن الفرح الزمان ... لسة أصداه بترن ...




الرجوع الى أعلى الصفحة اذهب الى الأسفل
الشجن الاليم
العضو الفعال
العضو الفعال
avatar

عدد المساهمات : 131
عدد النقاط : 210
تاريخ التسجيل : 11/04/2011

مُساهمةموضوع: رد: أروع ما أنحفنا به القامه التجاني حاج موسي   الثلاثاء أبريل 26, 2011 7:03 pm

كم شفت من مجهول مصير

وشفت ياما شفت كم

انا شفت ناس ظالمين كثير
بس أنت أظلم من ظلم

انا تانى ما بندم عليك

اصلو الندم بيفيد شنو ؟!

ولمتين انا اترجى فيك

الزيى كان رادك منو ؟!

لكن طباعك يا ضنين

لكن طباعك ما بتلين

جفوة ونفور وعذاب وسنين

وعمرو قلبك ما رحم

انا شفت ناس ظالمين كثير

بس انت اظلم من ظلم

**

يا دنيا ياما فيك ناس

بتقابل الريد بالجفا

يا دنيا ياما فيكى ناس

اتعلمت قل الوفا

ويا دنيا ياما فيكى ياما

وياما فيكى وبس كفى

آه من جفاك .. خليت شنو

انا شان رضاك

يا العمرو قلبك ما رحم

انا شفت ناس ظالمين كثير

بس انت اظلم من ظلم
الرجوع الى أعلى الصفحة اذهب الى الأسفل
الشجن الاليم
العضو الفعال
العضو الفعال
avatar

عدد المساهمات : 131
عدد النقاط : 210
تاريخ التسجيل : 11/04/2011

مُساهمةموضوع: رد: أروع ما أنحفنا به القامه التجاني حاج موسي   الثلاثاء أبريل 26, 2011 7:06 pm

ده الجانى منك ومن تباريح الهوى ،

وصفو بصعب يا جميل

وبعدت عنك ، ولما طال بى النوى ،

بقى لى أسيبك مستحيل ،

تبقى سيرتك هى الكلام

وتبقى صورتك هى الرؤى الحلوة البعيشها

فى صحوتى ، او حتى فى عز المنام

ويبقى اسمك هو الغنا

هو البجفف لى عذابات الضنى

ما الشفتو منك يا منى الروح يا أنا ،

وصفو بصعب يا جميل ....

وبعدت عنك .... ولما طال بى النوى

بقى لى أسيبك مستحيل

***

بشكى ليكم يا مظاليم الهوى

أصلى مجروح مرتين ،

يمكن القى الزيى فيكم

ضاق جراح الحب ومتعذب سنين

ويمكن القى وصفة تنفع ..

ولا يمكن القى حاجة تخفف الجرح القديم ..

حاجة تشفع ..

**

ده الجاني منك ومن تباريح الهوى

وصفو بصعب يا جميل

وبعدت عنك ، ولما طال بي النوى

بقى لى أسيبك مستحيل
الرجوع الى أعلى الصفحة اذهب الى الأسفل
الشجن الاليم
العضو الفعال
العضو الفعال
avatar

عدد المساهمات : 131
عدد النقاط : 210
تاريخ التسجيل : 11/04/2011

مُساهمةموضوع: رد: أروع ما أنحفنا به القامه التجاني حاج موسي   الثلاثاء أبريل 26, 2011 7:11 pm

وجايى تفتش الماضى ؟

خلاص الماضى ولىَّ زمان ،

وجفت مقلتى الباكية ..

ونامت من سنين أحزان ،

وجاى تفتش الماضى ؟

**

أرجع بالزمن مرة وأتذكر حكايتى معاك ..

تلاقى القصة – جد – مره

هل راعيت شعور مضناك؟!

كلما تزيدنى فى هجرك

أقول ليك زيدنى ما أحلاك

لا شفع التوسل فيك .. ولا حرمانى يوم هماك

وجاى تفتش الماضى ؟

وجيت تترجى بالدمعات...

أسامحك أنسى أغفر ليك ؟

جفف دمعك الغالى ..

مسامحك وما عشان عينيك..

عشان تتعلم الغفران..

وتصفح لو زمن جار بيك

وحاول لو قدرت كمان

تقدر رقة الحابيك

وجاى تفتش الماضى ؟

وعزة نفسى مابيه على

أسلم قلبى ليك تانى..

سنين الهجر بيناتنا

وحاجات تانية حاميانى

ولو رجع الحنين وعاود

وليك من تانى ودانى

ولو مكتوب ليَّا تانى أحب

بحب إنسان يكون تانى
الرجوع الى أعلى الصفحة اذهب الى الأسفل
الشجن الاليم
العضو الفعال
العضو الفعال
avatar

عدد المساهمات : 131
عدد النقاط : 210
تاريخ التسجيل : 11/04/2011

مُساهمةموضوع: رد: أروع ما أنحفنا به القامه التجاني حاج موسي   الثلاثاء أبريل 26, 2011 7:17 pm

شقا الأيام ..

وسهر الليل ..

بهون لو مرة حسيت بى ..

يزول كل الوجع وأرتاح ..

وأغرد زى كنار صداح ..

وتبقى الدنيا فى عينى ...

أزاهر وغيمة وردية ..

ولو سلمت مرة على ..

سلامك ليا عيديه...

**

شقا الأيام وسهر الليل ..

وآهاتى الحزاينية ..

ملازمنى من يوم شفت عيونك الحلوة ..

ويومها عرفت كيف العين

مكامن ريد..

وجرة نمة من دوبيت ..

ضراعة فاتحة يوم العيد

فرح أطفال

وأهازيج زار

ونقرة طار ..

وبحة ناى ...

حزين غناى ..

ترانيم غنوة دينية

**

براى ... والليل

وأهاتى الحزاينية ،

بيغشاني النعاس مرات ..

وطيفك يمر..

يغافلني..

يبدل حزني اشراقات

وأبداء معاك غناوى الليل

وأغالب الدمعة مابيه تسيل ..

أتارى الليل كمل كلو ؟!

عيونك مرة لو طلو ..

يزول كل الوجع وأرتاح...

وأغرد زى كنار صداح..

وتبقى الدنيا فى عينى ..

أزاهر وغيمة وردية ..

ولو سلمت مرة على ..

سلامك ليا عيدية
..
الرجوع الى أعلى الصفحة اذهب الى الأسفل
الشجن الاليم
العضو الفعال
العضو الفعال
avatar

عدد المساهمات : 131
عدد النقاط : 210
تاريخ التسجيل : 11/04/2011

مُساهمةموضوع: رد: أروع ما أنحفنا به القامه التجاني حاج موسي   الثلاثاء أبريل 26, 2011 7:21 pm

من بعد ما فات الأوان ،

الليلة جاى بتعتذر ...

بترجع أيامنا الزمان ،

من وين نجيب ليك العذر؟؟

**

وفرحت بيك .. مديت دروب الريد سماح

وغزلت ليك ، طيبة مشاعرى غطا ووشاح ..

لكنى وآضيعة رجاى

رديتنى مكسور الجناح ..

وسقيتني بعد الحلوة مر

من وين أجيب ليك العذر؟؟

يا البى غرورك كم قسيت

كان ظنى فيك تكون حنين ..

غالبت أحزاني ومشيت ..

فى سكة الشوق بالسنين

وبراى بالنار انكويت

وصليتني بعد الفرقة بين

لحد ما كمل الصبر

من وين أجيب ليك العذر؟؟
الرجوع الى أعلى الصفحة اذهب الى الأسفل
الشجن الاليم
العضو الفعال
العضو الفعال
avatar

عدد المساهمات : 131
عدد النقاط : 210
تاريخ التسجيل : 11/04/2011

مُساهمةموضوع: رد: أروع ما أنحفنا به القامه التجاني حاج موسي   الثلاثاء أبريل 26, 2011 7:25 pm

حبايبنا

قرايبنا .. وتخاصمونا

وخصامكم لما زاد طول

ولمن أنتو فى الأول جرحتونا

قلنا أقلو نتلاقى

تعاتبونا...

تلومونا....

وفى الأخر تصالحونا .. حبايبنا

تغلطوا انتو ونسامح

ما بنقدر نخاصمكم

ما اصلو الهوى الجامح

بينسينا الخصام كلو

ويهون ظلم الهوى وذلو

والضقناهو من مرو

لما عيونك الحلوين تصابحنا

نرجع نحن مجبورين

نسامحكم ..... حبايبنا

ولمن زاد خصامكم لينا فات حدو

والقايلنو ببقى هظار

أسفر لينا عن جدو

بحر ريدكم وانتو بعاد

يوماتى بيزيد حدو

ولما عيونك الحلوين تصابحنا

نرجع نحن مجبورين ،

نسامحكم .... حبايبنا

وقرايبنا ،

وتخاصمونا
الرجوع الى أعلى الصفحة اذهب الى الأسفل
الشجن الاليم
العضو الفعال
العضو الفعال
avatar

عدد المساهمات : 131
عدد النقاط : 210
تاريخ التسجيل : 11/04/2011

مُساهمةموضوع: رد: أروع ما أنحفنا به القامه التجاني حاج موسي   الثلاثاء أبريل 26, 2011 7:28 pm

أطرد النوم من عيونك

ما خلاص طلع الصباح

خلى بالك للبخونك

يلاحى على الفلاح

***

وابدأ أول خطوة أمشى

الطريق لسه طويل

لسه قدامك مسافة

الف فرسخ والف ميل

وانت يا سودان قيافة

فيك تراب راويهو نيل

وانت يا سودان ثقافة

من زمن دقنه وخليل

نادى أولادك وأصرخ

غربتم طالت سنين

وأفتح أحضانك وأفرح

وضمهم بس بى حنين

واوعى تطلع كلمة تجرح

وتانى نرجع للانين

والزمن يسرقنا يسرح

وتانى يسلبنا اليقين

***

خلى بالك للمدارس

خلى بالك حصة حصة

وللكراريس أبقى دارس

والدرس نقراهو هسة

للفصول خليك حارص

ما تضيع فيها قشة

وللتلاميذ أبقى حارس

همه طينة ولسه هشه

الصبر هد الجبال

وانت صبرك ما اعتيادى

وخلى ضراعتك طوال

توصل القرى والبوادى

لمهم لمة رجال وطوف بلاد الدنيا نادى

وعلمهم كيف النضال

وافتخر قول ديل ولادى
الرجوع الى أعلى الصفحة اذهب الى الأسفل
الشجن الاليم
العضو الفعال
العضو الفعال
avatar

عدد المساهمات : 131
عدد النقاط : 210
تاريخ التسجيل : 11/04/2011

مُساهمةموضوع: رد: أروع ما أنحفنا به القامه التجاني حاج موسي   الثلاثاء أبريل 26, 2011 7:35 pm

أمى .. الله يسلمك

ويديكى لى طول العمر..

وفى الدنيا يوم ما يألمك ..

امى .. الله يسلمك ..

* * *

أمى يا دار السلام

يا حصنى لو جار الزمان ،

ختيتى فى قلبى اليقين

يا مطمنانى .. بطمنك

أمى .. الله يسلمك

***

خيرك على بالحيل كتير ،

يا مرضعانى الطيبة بالصبر الجميل ،

سا سعد أيامى وهناى

لو درتى قلبى ، أسلمك.

أمى .. الله يسلمك

***

أنا مهما أفصح عن مشاعرى

برضو بيخونى الكلام

وقولة ( بحبك )

ما بتكفى وكل كلمات الغرام

يا منتهى الريد ومبتداه ..

يا الليا .. الله يسلمك ..

ويديكى لى طول العمر

وفى الدنيا يوم ما يألمك ..

أمى .. الله يسلمك
الرجوع الى أعلى الصفحة اذهب الى الأسفل
محمد الزعيم
مشرف
مشرف
avatar

عدد المساهمات : 368
عدد النقاط : 533
تاريخ التسجيل : 28/03/2011
العمر : 29
الموقع : امدرمان

مُساهمةموضوع: رد: أروع ما أنحفنا به القامه التجاني حاج موسي   الأربعاء أبريل 27, 2011 2:42 pm

التحية لك الشجن الاليم

وانت تيزيني منتدانا باروع

ما كتبة التجاني حاج موسي

نكشة

الاشعار ديل كلها حزينة شديد

ارجوا انك ما اخترتيها انت

تكون جات براها كدة

_________________
يا مالي عيني باليقين مالي لي حد العشق
لمتين بتتواري وتبين لا بتصفي لا يوم نتفق
affraid
الرجوع الى أعلى الصفحة اذهب الى الأسفل
http://kaboshia0122783581@yahoo.com
الشجن الاليم
العضو الفعال
العضو الفعال
avatar

عدد المساهمات : 131
عدد النقاط : 210
تاريخ التسجيل : 11/04/2011

مُساهمةموضوع: رد: أروع ما أنحفنا به القامه التجاني حاج موسي   الأربعاء أبريل 27, 2011 4:12 pm

Smile السيد محمد الزعيم
مشكوووووور علي المرور....تسلم كتيييييير
................
جمال المعاني التي إحتوتها روائع التجاني حاج موسي
أنساني ما إحتوته الكلمات من شجن.....
يعني جات براها يا زعيم
تحياتي
الرجوع الى أعلى الصفحة اذهب الى الأسفل
سيف الدين
رئس مجلس الاداره
رئس مجلس الاداره
avatar

عدد المساهمات : 70
عدد النقاط : 100
تاريخ التسجيل : 26/03/2011
العمر : 29
الموقع : اركويت

مُساهمةموضوع: رد: أروع ما أنحفنا به القامه التجاني حاج موسي   الخميس أبريل 28, 2011 7:23 pm

الاخت العزيزه الشجن الاليم مشكوره علي ما نقلتيهو عن الشاعر الكبير التجاني

شكرا لك لكنك تبزلين كل ما بوسعك لتنمية هذا المنتدي والنهوض به الي الامام ونحن في ادارة المنتدي نقدر مجهود .

نكشه : مايشكروك تعملي نايمه
الرجوع الى أعلى الصفحة اذهب الى الأسفل
http://al7madab.net
الشجن الاليم
العضو الفعال
العضو الفعال
avatar

عدد المساهمات : 131
عدد النقاط : 210
تاريخ التسجيل : 11/04/2011

مُساهمةموضوع: رد: أروع ما أنحفنا به القامه التجاني حاج موسي   الخميس أبريل 28, 2011 8:40 pm

[center] Smile مشكور سياده المدير
علي الإطراء
.....
كلام بيني وبينك يا سيف
(مااااا كان تشكرني أنا ذاتي خايفه أصدق وأنووووووووووم)[/
center]
الرجوع الى أعلى الصفحة اذهب الى الأسفل
 
أروع ما أنحفنا به القامه التجاني حاج موسي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي الحماداب ( كبوشيه ) :: المنتدييات العامة :: المنتدي الثقافي-
انتقل الى: