منتدي الحماداب ( كبوشيه )
مرحب بكم well come



 
الرئيسيةالبوابةالمشاركات الجديدهالتسجيلدخول
مرحب بكم في منتداكم العمر بكم
الحماداب اهلي العزاز
المواضيع الأخيرة
» أقٌبْلتُ والڪَلٍ يسْألُ يٌآتُرىْ منُ اڪَونْ..//ْ~♥
الأحد أكتوبر 23, 2011 9:57 pm من طرف محمد الزعيم

» قصه قصيره , وحكمه رائعه
الأربعاء أكتوبر 12, 2011 7:22 pm من طرف محمد الزعيم

» برنس الهلال يفجر مفاجأة من العيار الثقيل ويقرر الاعتزال
الإثنين سبتمبر 19, 2011 5:47 pm من طرف محمد الزعيم

» فرسان الهلال يخوضون اشرس معركة بالدار البيضاء وسوء الطالع يحرمهم من هز الشباك
الإثنين سبتمبر 19, 2011 5:46 pm من طرف محمد الزعيم

» الف مبروك للهلال التاهل
الإثنين سبتمبر 19, 2011 5:45 pm من طرف محمد الزعيم

» مبروك المولودة خالد كمال
الأحد سبتمبر 11, 2011 4:17 pm من طرف أبو المنذر

» تهاني العيد
الإثنين سبتمبر 05, 2011 6:44 am من طرف سيف الدين

» كل عام وانت بخير
الأربعاء أغسطس 31, 2011 12:52 am من طرف سيف الدين

» اسامه التعاون والغزال مفاجأة ميشو للقطن والبعثة تعود عقب المباراة مباشرة
الأحد أغسطس 28, 2011 4:36 pm من طرف محمد الزعيم

» هلال التحديات في اصعب المواجهات لصدارة دوري المجموعات
الأحد أغسطس 28, 2011 4:34 pm من طرف محمد الزعيم

» البرنس يعلن الجاهزية والمرعب سادومبا يؤكد هز الشباك لصدارة قائمة الهدافين الافريقية
الأحد أغسطس 28, 2011 4:33 pm من طرف محمد الزعيم

» الجديد شديد
الخميس أغسطس 25, 2011 7:51 pm من طرف محمد الزعيم

» الهلال يهزم الرومان بثلاثة اهداف ويتأهل لنصف نهائي كاس السودان
الخميس أغسطس 25, 2011 6:23 pm من طرف محمد الزعيم

» المريخ يعبر موردة الفاشر برباعية نظيفة ويصطدم بالنسور الامدرماني في نصف نهائي كاس السودان
الأربعاء أغسطس 24, 2011 10:39 pm من طرف محمد الزعيم

» القناص سادومبا يعود لتدريبات الهلال ويدحض الشائعات
الأربعاء أغسطس 24, 2011 10:35 pm من طرف محمد الزعيم

» ميشو يدفع بالتشكيلة الافريقية بقيادة كاريكا للاطمئنان على اخر الاستعدادات والجاهزية
الأربعاء أغسطس 24, 2011 10:33 pm من طرف محمد الزعيم

» الهلال يصارع الرومان الليلة بام درمان في كاس السودان
الأربعاء أغسطس 24, 2011 10:30 pm من طرف محمد الزعيم

» رحلة العيد
السبت أغسطس 20, 2011 4:46 pm من طرف أبو المنذر

» مرحبا هشام عبد الجليل
الجمعة أغسطس 19, 2011 9:48 pm من طرف سيف الدين

» ميشو ينتقد تحكيم المباراة ويقول: العرب قدم خدمة فنية للازرق قبل لقاء القطن
الخميس أغسطس 18, 2011 6:57 pm من طرف محمد الزعيم


شاطر | 
 

  من أشعار القامه أزهري محمد علي

اذهب الى الأسفل 
كاتب الموضوعرسالة
الشجن الاليم
العضو الفعال
العضو الفعال
avatar

عدد المساهمات : 131
عدد النقاط : 210
تاريخ التسجيل : 11/04/2011

مُساهمةموضوع: من أشعار القامه أزهري محمد علي   السبت أبريل 30, 2011 2:44 am

مـــعـــاى
وغشيتك أسلم عليك
أتكّل قصادك
هموم الحراز
أطمّن طيوف الخريف الوشيك
أبشر دواخلك بوعد الرزاز
مودر ملامحك
غبيتك
لقيتك
بتلفظ شوارعك بيوتك
تصادر خطاك وتكاجر مشيك
تغالط حواسك ملامحك
وتحرد عيونك مقاطع وشيك
سألتك خبارك ؟!
مسُوكر لسانك
! وصمتك يشفق
خبارك ! بتغرب شموسك
زمان الشموس البتشرق
تضيع الملاحه التعطن وجيهك
ومّنك تدفق
! خبارك غريبة
أقلب دواخلك
أكوس الحبيبة اللى عنك بتفرق
بتفرق حبيبتى البتلبس فصول الخصوبة
بتضحك أغانى
وتدفق عذوبة وبتنزل مطر
عشقتك لأنك حبيبتى
وبحبك بحر
عشقتك لأنك خواتم الحقيقة
وطريق الوصول لأنك بداية الخليقة واساس القبول
أحيّى الغيوم البتفطم ذبولك
ترضع سهولك ، مواسم الهطول
واحيّي المدائن البتفتح حدودا
وتمنح عيونك جواز الدخول
يزيد خيرك
ولا طابت بلاك عيشة
مقسمة إنت فى غيرك
مقسمة فيك ما فيشه
ومخيم ليلك العسعس
لا برقن بروق صحوك
لا صبحك رضى اتنفس
يحندك فى العطش غيمك
تمطري إنت فى الخاطر
وتنفضي من دواخلى العس
بديت أتسامى للآخر
رميت توب البيات الرث
قويت إتيقنت روحي
وسقط منى الكلام الغث
أنا الدّاخرك بصيرة وشوف
يا بقعة ضو
فى عتمة قلبى المحفوف
ومسربل فى بالشتا والليل
والخوف
فارغة ومليان بيك
وضيقه عليك البشره
أنا غيبتك بينى وكنتك
زمَََََََََََلتك فى الخاطر بُشرى
مزَقت ستار الجلد الهش
وطلعتى من الجسد القشرة
تاوقت
لقيتك فينى النفس الكاملة
تتوقى اليابسة
والنهر فى إيدك صلصال
يتسارق ضوَك خافت
متهافت نحوك أجرى
مهرول راكض
سابقت خُطاى وحدقتك
غيمة .. وضل .. وبُحيره
ضاريتك بينى وضاريتك
من الحزن القابض
نفسى وروحى واقف عارض
ستفت عيونك بالمطرة
وقرحتك ضد الزمن الراكض
وحدقتك حبيبتى
البتشبه فصول الخصوبه
تضحك أغانى وتدفق عذوبة
وبتنزل مطر
عشقتك لأنك حبيبتى
وبحبك بحر .
الرجوع الى أعلى الصفحة اذهب الى الأسفل
الشجن الاليم
العضو الفعال
العضو الفعال
avatar

عدد المساهمات : 131
عدد النقاط : 210
تاريخ التسجيل : 11/04/2011

مُساهمةموضوع: رد: من أشعار القامه أزهري محمد علي   السبت أبريل 30, 2011 2:49 am

يا مشرع الحلم الفسيح
أنا بينى مابينك جزر
تترامى .. والموج اللّديح
القدرة والزاد الشحيح
كملتو .. ما كِمل الصبر
نتلاقى فى الزمن المريح
ميعادنا فى وش الفجر
يا مشرع الحلم الفسيح

يا مشرع الحلم الفسيح
يا بعض منى .. وفينى ساكن
أنا أصلى منك ومشتهيك
و بيناتنا ليل الغربة ... داكِنْ
هبّة هبوبك..
أفتح شبابيك المساكن
وسـِّع دروبك ..
ولـِّع مصابيح الأماكن
يا مشرع الحلم الفسيح


يا مشرع الحلم الفسيح
يومنا النـّهِـبْ .. أسلِبنا خوفنا
كبـِّرنا قدرك .. مرتين
وطـِّول قدر كتفك .. كتوفنا
يا رغبة الرعد البيسكن ..
بين غناوينا وحروفنا
ضوِّى الدساكر والضفاف
عبِّى الحناجر بالهتاف
سدِّد مسامات الرِّعاف
نوِّر مغاراتنا وكهوفنا


يا مشرع الحلم الفسيح
أنا وإنت .. والمطر الفصيح
حانطوِّع الزمن القبيح
نأخد بعض .. شكل السما
حدِّثنى دايماً .. كلما
تنشف على البر الضفادع
يهجر الضو المواضع
وتسقط من الكف الأصابع
حدثني دايماً كلما
تحرد مراسيك السفن
تسكن مرافيك الزعامات .. الدُمى
حدثنى لو تاهت خطانا ..
على الدروب المبهمة
أو ربما..
تهدم آلات الشوارع ..
وترجمْ العُزّى الصواقِع
حدثنى لو مطرك همى ..
حدثنى لو صادف الكى المواجع
وضلك على الساحل رمى
حدثنى لو مطرك همى
علمنا دايماً كلما
نبذر على أرضك شهيد
يطلع شمس ..
يبهر بأنوارو السما

يا مشرع الحلم الفسيح
الرجوع الى أعلى الصفحة اذهب الى الأسفل
الشجن الاليم
العضو الفعال
العضو الفعال
avatar

عدد المساهمات : 131
عدد النقاط : 210
تاريخ التسجيل : 11/04/2011

مُساهمةموضوع: رد: من أشعار القامه أزهري محمد علي   السبت أبريل 30, 2011 2:51 am

الـصباح الـباهى لونك
وضّـاحه يافجر المشارق
غـابة الأبـنوس عيونك
يَـابْنَيّه مـن خُبز iلفنادق
شـيدتي في جواىْصوامع للفرح
وفـتحتِ في دُنياي مسارح
للمرح
وبـقـيـتـي لــــيْ
سِــكّــه وعــيـون
لا قِـــدرْتَ أطـولـكْ
شــــان أجــيــكْ
لا قِـدرْتَ من غيرِكْ أكونْ
وانـا بـيك مالينى الكلام
حرّكت بيك عصب السكونْ
جَـلبتَ لـيكْ الغيم رحط
طـرّزتَ ليكْ النيل زفاف
حَــرَقْــت ليك
الــشــوق بــخـور
وفــرشــتَ لــيـك
الــريــد لِــحَـافْ
لا الـسِكَّه بـيكِ بِـتِنْتهي
ولا مـعاك ملّيت الطواف
يـا ريتني لو أقْدَر أكونِك
الـصباح الـباهى لونك
يَـابْنَيّه مـن خُبز الفنادقْ
غـابة الأبـنوس عيونك
وضّـــــاحــــه
لــو طــال ا لطريق
بـيناتْنا واتـرامي الـمدى
وصنَّت مَسَامْعِكْ من iiنِداي
شِـرْبَتْ فـيافيِك ا لصدى
مـا تـحنِْى هامات النخيل
مـا تـرمي دَمَعاتالندى
مـا تْشنِّفى الزمن الجميل
دا الـعُمرِ يـا دابـو اْبتدا
! والعُمْرِ إيه حيكون iiبدونِك
وضّـاحهَ يا فجر المشارِق
الـصباح الـباهى لـونِك
يـا بـنيه من خبز الفنادقْ
غـابة الأبـنوس عيونك
الرجوع الى أعلى الصفحة اذهب الى الأسفل
الشجن الاليم
العضو الفعال
العضو الفعال
avatar

عدد المساهمات : 131
عدد النقاط : 210
تاريخ التسجيل : 11/04/2011

مُساهمةموضوع: رد: من أشعار القامه أزهري محمد علي   السبت أبريل 30, 2011 2:54 am

أبداك من وين ؟؟؟؟

أبداك من وين .. ؟

وفينى منك

لسة حاجات من مخاوف ومن شجن



أبداكي من وين .. وظنى إنك

فكرة إعلان الحياة

وإنتهاءات العوارض والمحن

نفسى ألقاكى وأكون

أنا كلى من بعضك

أو .. بعضى من كلك بدن

وداير أبقاكى وأوحد دورة الدم

المقسمة بينى .. بينك .. والسحن



أبداكى منى .. ولاّ منِّك

أبتديكى محل .. محل

من ياتو منفذ أدخلك

وكل المنافذ فيكى سدّاها النحل

من ياتو شارع أوصلك

وكل الدروب معطونة لى آخر الوحل

.. أستبيح كل الحواجز .. وأدخلك

من كلامك بدخلك

من بين مسامك بدخلك

من أى قاسم مشترك

وشبهة تشابه .. ادخلك

ونتلاقى نهرين من تسامى .. وإشتها

وأبداكى من حيث أنتهت عندك خواتم الإنتها

أبداكى .. وأخلع خيام عمرى المضى

وألقاكى مبسوطة اليدين

مفتوحة أبواب الرضا

أبداكى من لحظة أنستِكْ نار

وأخدت من قبسك .. هُدى

وأنا ضُمـّة زاهد

فى الدروب الما بتجيك

.. ولا بترجِّع ليا من تالاك صدى

أبداكى من وين
الرجوع الى أعلى الصفحة اذهب الى الأسفل
الشجن الاليم
العضو الفعال
العضو الفعال
avatar

عدد المساهمات : 131
عدد النقاط : 210
تاريخ التسجيل : 11/04/2011

مُساهمةموضوع: رد: من أشعار القامه أزهري محمد علي   السبت أبريل 30, 2011 3:03 am

في رثاء زوجته
عبثاً يحاولُ النّصْ أنْ يُوَاري سوءات الرحيل. وحْدُك تُدركينَ أنَّ جَسَدَ الفاجعةُ أوسعُ من جلبابِ القصيدةٍ.

دخَلْتي زى خَتـّة نـَفـَس
ومرقتي فى لمحة بصر
مرقتي لا حِسْ لا خَـبر
لا لَوحَتْ ايديك تلويحة وداع ..
لا سِبتي جنب الباب أترْ
هشّيتي أسراب الحمام
و افشيتى فى الأرض السلام
وكأنَّـك إنتى المُنتظر..
وكأنَّـك إنتى المنتهى ..
وأول تصاريف القدر..
نحن إدّخرناك .. لليالى الحالكات
للزمان المـُرْ
وساعات الخطر
أديني فرضك والنوافل
والباقيات الصالحات .. يا طيبة و إنتي على سفر
يا الله ..من هذا السفر ....
يا الله ..من هذا اللهيب....
من وجهها الطلق الخصيب
من كفـّها دعاش المطر
من ضحكتا
و رِقـَّـة صباحاتنا الحليب
من وشّها المليان بطــَر
أنا خفتها .. تفتح شبابيك النحيب
وتـَشـُر على روحى الفَتـَر
و أنا شفتها فى لحظتها الحلم الغريب.
تتوالى فى الخاطر صُور
كانت حكايات كلها
و أضحت مواجع كلها ...
أدمَـنـَّا وجع الإجترار
و احتجنا لى لحظة مقيل.. فى ضلها
إحتجنا نكتب ليك قصيد
ونغني ( بنحبك بحر )
و احتجنا لى لحظة زمانا المترعة
زمن الأمانى الطيبة .. والريد .. والدِّعة
والقلب فاتح ، والخلايا ، أبواب ،كلها مشرعة
العاديات.. عدت على تعب الجسد
وركضت خيولك مسرعة
ليه راقدة فى ضيق اللحد
والدنيا بي هذى السعة ..
الغيم فى متناول ايديك
والقلب بـُور
والمطر زى ما تشتهي
أرمينى فى أرضِك بذور
لِمـَّيني من وجع الغياب
تلقيني فى دمك حضور
وادينى مفتاح السحاب
ترسم مسارات الطيور ..
يا مُترعة..
مفتوحة شارات المرور
ما بين غيابك و(مشرع الحلم الفسيح)
ضاعت محطات الوصول
من حيلة الخَطـْو الكسيح
قَدَرِك..
تباريك المناحات
تعيش سنين العمر من قفص التباريح
والذكريات فى كل ليل
تفتح حنينك بيت بكا
وتعصف رياح الفرقة
لى حلم المراجيح
قدرك ..
تلاقى الدنيا فى باب الخروج
وتفتح حنين القلب للراحلين ضريح
قَدَرِك..
تدارى الحزن فى القلب الذبيح
لا انت فى حلم المسيح

ويا صالحة.. وينو ضُـلـِّك..فى الطريق..?
وين خطوتك.. فى الرملة
صُرِّيها فى منديل علق..
ومِدِّيها فى حُـق السنين
والعُـشرة والدم.. العرق..
إيديك فى إيدى سوا سوا..
من الصباح حتى الشفق
من الشفق حتى الزوال
والقمر إذا اتـّـسق
وكما اتفق..
نجلس على ضُل المزاج
نتعاطى ضحكات الحبيبة
ونحتسى كاسين من الحب الرحيم
نقراها بسم الذى خلق
ونقراها حرف حرف
نسكُب صهيل الروح
فى صمت الورق
ونلقاها فى الريح العصف
خضرة سنينا اليانعة
واتحتحتت صَفَـق
ونلقاها فى ضهر الخيول
البتفزع من حوافرها فى السبق..
وتهرع كلما اشتد الرهان
وبانت ملامح اللفة فى آخر النفق
نلقاها..
فى جيَّـة الضيوف
والفرحة كل ما الباب طرق
تلقاها فى خـتـَّة الراس والحلم
فى الهجعة وإن طال الأرق
نلقاها فى ضل الصباح
والونسة..ضحكات الصغار..
وطقطقة الأصابع .. طق .. طرق
نلقاها بآخر رمق
وقـَفـَت على حَدْ الكفاف
رمت السناسِن فى الطبق
فجَّـت ضلامات السنين..
قامت على ذات النسق..
ومدت ايديها على الحنين
ورَشَت المشاغبين بالنبق

يا صالحة
لِمِّـينى على ثراك
و اعفينى من هذا الرهق
وسلميلى على المعاك
السابقين .. الطيبين.. الصادقين
الجملو العالم هناك
طفلة وملامحها من رؤاك
موءودة كانت فى حشاك
أنا شفتها .. بتضمدى أحزانك براك
وانا شفتها..
فى البعث فى هيئة ملاك..
فى جيدها باقات النجوم
وفى إيدها أغصان الأراك
أنا شفتها..
فى ذلك اليوم العظيم
فى نشوة بتردد غُناك
بى حِسِّها الرّطِب الرخيم
فتحت عليك فى الكَـتْمـَة
شباك النسيم..
حضروها كل الأولياء الصالحين
فى الطور مع موسى الكليم
مرقت بواطن الأرض دون رحم الأليم
وفتحت مصابيح الخلاصفى عتمة الليل البهيم
وأنا شفتها
عبرت معاك.. حبل الصراط المستقيم
ومرقتِي أجمل ما يكون
إنسان على كف النعش
مرقن معاك بنات كتار
وغابت وراك بنات نعش..
ركّن على دم الغروب
فرّن مع وش الدَّغـَش
رَدَحـَنْ علَى حسَب الهبوب
و أنا حِسِّـي
يبقالن طَرَش
غشـَّنِي بى موية الرهاب
وشنقنِي بى حبل العطش
واعدتهن..
ما تواعِدِن..
واعدتهن
ما تواعدن
ضحكاتن اللبن الحليب
والقمرة مرة مرة بتشبهن..
ما شفتهن .. شافَنـِّي هـِـنْ
ما بين طشاش السكة الشوف البصيص
..شبَّهْتـَـهـِنْ ..
حِزنن عَلَىْ
وحزنت أكتر مِنَّـهِنْ..
وبكينا كلنا من دواعى الخيبة
والحظ التعيس..
سرَقَـَن صهيل الجرح من خلف الكواليس
وكتبن تراجيديا الصراع الجب
و امراة العزيز
النسوة والدم.. والقميص..
مديتى إيدك للحريق
بَـقـَّنْ اصابعينك شموع
والقلْب فى حِنـّة عريس
وبكيتى والوش منطرح
وضحكنا والايد فى الجرح..
لمعت دياجى الأرض فى ضو الفوانيس
ما تلبسى تياب العطش
إتلفحى النيل قرمصيص
وادخلينى على عجل
يا صالحة من باب السلام
مفتوحة ابواب الفراديس

اتفضلى..
__________________
الرجوع الى أعلى الصفحة اذهب الى الأسفل
الشجن الاليم
العضو الفعال
العضو الفعال
avatar

عدد المساهمات : 131
عدد النقاط : 210
تاريخ التسجيل : 11/04/2011

مُساهمةموضوع: رد: من أشعار القامه أزهري محمد علي   السبت أبريل 30, 2011 3:16 am

جرحت ليه خاطر الحبية ؟

جرحت ليه خاطر الحبيبه

:الحبيبه

المشطت عصب التضاريس

وهدّت علي كل الخرايط ..والفراغات

مدهونه

بي لونه ارصفة المحطات

واقده من ريقا الفوانيس

جرحت ليه خاطر الحبيبه

دي السكه ابعد من حدود الاحتمال

والجرح اعمق من بكا الليل والنويح

ويوم استفزّت قدرتك

قيمة المسافات

عرفت انك قليل حيله وفصيح

ستّفت عمرك في حقايب الرجعه

للسفر القديم

مرقت

تشهّل غربتك

وبي توبا تستر عورة الزمن اللئيم

وتكسي في الشدر اللحا

ماهي الحبيبة الطولت ضل الضحي

وقعدت تفلي السكه من وجع الضريسه

وعضّة الجوع الزنيم

ماهي دي الحبيبه

الشحتفت روحي

ومعطنه في ينابيع الالق

الشاربه من فجر الشروق

وماخده من لون الشفق

ماهي دي الحبيبه

الداخله من بين مسامات العرق

رقراق

وطالعه زي قمر الدجي

وسايقاني في كل الدروب

ساساق

رامياني حد القريفه

وقالياني زي قهوة بجا

ما هي دي الحبيبه

يومي المشيت مجبور

علي السكه المريبه

ادتني احساسا الرطّب

وشهرت ضحكتا العزبه ومشت

كانت رؤاها بتحتشد

زي نار

بتسجن روحا

في عود الثقاب

وتعلن مهرجانات الحريق

لو كشت الواطه ولقيتا

ما كنتا ضليت الطريق

ودفقت مويتي علي الرهاب

مشيت ورا الشدر اليمامه

دي الرتبت خدر الحنين

في الروح وعبت

دوار النشوه...في جسد المنامه

وانا كنت مفتون بي تداعي اليابسه

في عرس التساب

مشدود علي حبل الصعود اسفل

مشلهت بالايادي الفوق

مشلهت والبدن منحل

لفحت من الارض طرقهوالشاطي

في ذروة المد

انكسر

وانا بعزمك علي مويه


عذبه

وضل وريف

لو هم سقط

من طاقه

في حلم الحبيبه


جرحت ليه خاطر الحبيبه
الرجوع الى أعلى الصفحة اذهب الى الأسفل
الشجن الاليم
العضو الفعال
العضو الفعال
avatar

عدد المساهمات : 131
عدد النقاط : 210
تاريخ التسجيل : 11/04/2011

مُساهمةموضوع: رد: من أشعار القامه أزهري محمد علي   السبت أبريل 30, 2011 3:26 am

يا مفتونه بصدق الوعد


يا مسكونه بحلم الغد

انا خيرتك بين الشهد

وبين البّن الفطره

وانتي اخترتي سواد البّن

وطعم القهوة البكره

انا خيرتك

وانتي اخترتي

هل قدرتي الرقعه الواقعه

بين الليله واحلام بكره

وكيف حتملي الحته الواسعه

بين الواقع وبين الفكره؟

وين حتلقي المويه الناقعه

يوم نصطاد في المويه العكره

انا بديك موانع الصاقعه

انتي اديني الموت والستره

انا خيرتك

وانتي اخترتي

واقف جنبك لو احترتي

بايع نفسي وشاريكي

دافنك بيني مواريكي

واصلك مني اتاريكي

لو تعرفي يوم شاهدتك

من روحي بتدخلي في نفسي

باريتك خلسه وغازلتك
سمعتك وما سامع همسي

كضبت عيوني وصدقتك

غيبت احساسك في حسي

:وناديتك

يا مطمنه في قلبي الخوف

بتونسي روحي وبتحجي

بترجعّي لعيوني الشوف

اتلوّمي دايما واحتجي

مشتاقلك جدا وملهوف

واقف في دربك مترجي

وحجيجك بي قلبي يطوف

جواي بتعمري وبتحجي

وانا جيتك

مكسور الخاطر

جيتك مجروح
ولقيتك مفضوح الصمت

الفي عيونك بالبوح

ممحوق الزمن البين ضحكك والنوح

سكنتك كل الانفاس الحيه

وسلمتك مفتاح الروح

لو تعرفي يوم هدهتك

في ليل بستجدي الغمضه

اقدامك كانت في الصحرا

وايديك في البحر بتتوضا

كم حائط ينهض بيناتنا

كم حائط من بينا اتهدّ

قاومت الرهبة وناديتك

والصوت من عندك ما ردّ
طاوعت الرغبه وغنيتك

غنيت للمرأة الوردة
الرجوع الى أعلى الصفحة اذهب الى الأسفل
محمد الزعيم
مشرف
مشرف
avatar

عدد المساهمات : 368
عدد النقاط : 533
تاريخ التسجيل : 28/03/2011
العمر : 29
الموقع : امدرمان

مُساهمةموضوع: رد: من أشعار القامه أزهري محمد علي   الأحد مايو 01, 2011 3:45 pm

انا خيرتك

وانتي اخترتي

هل قدرتي الرقعه الواقعه

بين الليله واحلام بكره

وكيف حتملي الحته الواسعه

بين الواقع وبين الفكره؟

التحية لك الشجن الاليم

علي هذه الكلمات المعبرة

ودمتم

_________________
يا مالي عيني باليقين مالي لي حد العشق
لمتين بتتواري وتبين لا بتصفي لا يوم نتفق
affraid


عدل سابقا من قبل محمد الزعيم في الأحد مايو 01, 2011 4:22 pm عدل 1 مرات
الرجوع الى أعلى الصفحة اذهب الى الأسفل
http://kaboshia0122783581@yahoo.com
الشجن الاليم
العضو الفعال
العضو الفعال
avatar

عدد المساهمات : 131
عدد النقاط : 210
تاريخ التسجيل : 11/04/2011

مُساهمةموضوع: رد: من أشعار القامه أزهري محمد علي   الأحد مايو 01, 2011 4:17 pm

Smile مشكور محمد الزعيم ع المرور
تسلم
الرجوع الى أعلى الصفحة اذهب الى الأسفل
 
من أشعار القامه أزهري محمد علي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي الحماداب ( كبوشيه ) :: المنتدييات العامة :: المنتدي الثقافي-
انتقل الى: