منتدي الحماداب ( كبوشيه )
مرحب بكم well come
منتدي الحماداب ( كبوشيه )
مرحب بكم well come
منتدي الحماداب ( كبوشيه )
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالبوابةأحدث الصورالمشاركات الجديدهالتسجيلدخول
مرحب بكم في منتداكم العمر بكم
الحماداب اهلي العزاز
المواضيع الأخيرة
» أقٌبْلتُ والڪَلٍ يسْألُ يٌآتُرىْ منُ اڪَونْ..//ْ~♥
وهل هناك أروع مما قال مبدعنا السر عثمان الطيب I_icon_minitimeالأحد أكتوبر 23, 2011 9:57 pm من طرف محمد الزعيم

» قصه قصيره , وحكمه رائعه
وهل هناك أروع مما قال مبدعنا السر عثمان الطيب I_icon_minitimeالأربعاء أكتوبر 12, 2011 7:22 pm من طرف محمد الزعيم

» برنس الهلال يفجر مفاجأة من العيار الثقيل ويقرر الاعتزال
وهل هناك أروع مما قال مبدعنا السر عثمان الطيب I_icon_minitimeالإثنين سبتمبر 19, 2011 5:47 pm من طرف محمد الزعيم

» فرسان الهلال يخوضون اشرس معركة بالدار البيضاء وسوء الطالع يحرمهم من هز الشباك
وهل هناك أروع مما قال مبدعنا السر عثمان الطيب I_icon_minitimeالإثنين سبتمبر 19, 2011 5:46 pm من طرف محمد الزعيم

» الف مبروك للهلال التاهل
وهل هناك أروع مما قال مبدعنا السر عثمان الطيب I_icon_minitimeالإثنين سبتمبر 19, 2011 5:45 pm من طرف محمد الزعيم

» مبروك المولودة خالد كمال
وهل هناك أروع مما قال مبدعنا السر عثمان الطيب I_icon_minitimeالأحد سبتمبر 11, 2011 4:17 pm من طرف أبو المنذر

» تهاني العيد
وهل هناك أروع مما قال مبدعنا السر عثمان الطيب I_icon_minitimeالإثنين سبتمبر 05, 2011 6:44 am من طرف سيف الدين

» كل عام وانت بخير
وهل هناك أروع مما قال مبدعنا السر عثمان الطيب I_icon_minitimeالأربعاء أغسطس 31, 2011 12:52 am من طرف سيف الدين

» اسامه التعاون والغزال مفاجأة ميشو للقطن والبعثة تعود عقب المباراة مباشرة
وهل هناك أروع مما قال مبدعنا السر عثمان الطيب I_icon_minitimeالأحد أغسطس 28, 2011 4:36 pm من طرف محمد الزعيم

» هلال التحديات في اصعب المواجهات لصدارة دوري المجموعات
وهل هناك أروع مما قال مبدعنا السر عثمان الطيب I_icon_minitimeالأحد أغسطس 28, 2011 4:34 pm من طرف محمد الزعيم

» البرنس يعلن الجاهزية والمرعب سادومبا يؤكد هز الشباك لصدارة قائمة الهدافين الافريقية
وهل هناك أروع مما قال مبدعنا السر عثمان الطيب I_icon_minitimeالأحد أغسطس 28, 2011 4:33 pm من طرف محمد الزعيم

» الجديد شديد
وهل هناك أروع مما قال مبدعنا السر عثمان الطيب I_icon_minitimeالخميس أغسطس 25, 2011 7:51 pm من طرف محمد الزعيم

» الهلال يهزم الرومان بثلاثة اهداف ويتأهل لنصف نهائي كاس السودان
وهل هناك أروع مما قال مبدعنا السر عثمان الطيب I_icon_minitimeالخميس أغسطس 25, 2011 6:23 pm من طرف محمد الزعيم

» المريخ يعبر موردة الفاشر برباعية نظيفة ويصطدم بالنسور الامدرماني في نصف نهائي كاس السودان
وهل هناك أروع مما قال مبدعنا السر عثمان الطيب I_icon_minitimeالأربعاء أغسطس 24, 2011 10:39 pm من طرف محمد الزعيم

» القناص سادومبا يعود لتدريبات الهلال ويدحض الشائعات
وهل هناك أروع مما قال مبدعنا السر عثمان الطيب I_icon_minitimeالأربعاء أغسطس 24, 2011 10:35 pm من طرف محمد الزعيم

» ميشو يدفع بالتشكيلة الافريقية بقيادة كاريكا للاطمئنان على اخر الاستعدادات والجاهزية
وهل هناك أروع مما قال مبدعنا السر عثمان الطيب I_icon_minitimeالأربعاء أغسطس 24, 2011 10:33 pm من طرف محمد الزعيم

» الهلال يصارع الرومان الليلة بام درمان في كاس السودان
وهل هناك أروع مما قال مبدعنا السر عثمان الطيب I_icon_minitimeالأربعاء أغسطس 24, 2011 10:30 pm من طرف محمد الزعيم

» رحلة العيد
وهل هناك أروع مما قال مبدعنا السر عثمان الطيب I_icon_minitimeالسبت أغسطس 20, 2011 4:46 pm من طرف أبو المنذر

» مرحبا هشام عبد الجليل
وهل هناك أروع مما قال مبدعنا السر عثمان الطيب I_icon_minitimeالجمعة أغسطس 19, 2011 9:48 pm من طرف سيف الدين

» ميشو ينتقد تحكيم المباراة ويقول: العرب قدم خدمة فنية للازرق قبل لقاء القطن
وهل هناك أروع مما قال مبدعنا السر عثمان الطيب I_icon_minitimeالخميس أغسطس 18, 2011 6:57 pm من طرف محمد الزعيم


 

 وهل هناك أروع مما قال مبدعنا السر عثمان الطيب

اذهب الى الأسفل 
كاتب الموضوعرسالة
الشجن الاليم
العضو الفعال
العضو الفعال
الشجن الاليم


عدد المساهمات : 131
عدد النقاط : 210
تاريخ التسجيل : 11/04/2011

وهل هناك أروع مما قال مبدعنا السر عثمان الطيب Empty
مُساهمةموضوع: وهل هناك أروع مما قال مبدعنا السر عثمان الطيب   وهل هناك أروع مما قال مبدعنا السر عثمان الطيب I_icon_minitimeالأربعاء يونيو 08, 2011 7:13 pm

مشتاقة لي ؟؟
واللهِ بالأكتر أنا !!ّ
**
واللهِ من شوقي العَلَي
أنا ماني عارف مين أنا !!
أنا هسّه ميت ولاَّ حي !!!؟
**
الانتظار قاسي ومرير
الثانية تتمدد سنة
مشتاق ومشتاق بالكتير
في الاحتمالات والمنى
إتلاشى كالحلم القصير
إتعبَّا واتوجّع ، غُنا
لو بي إيدَيْ كان المصير
أخفيكي جوة الذات هنا
**
أشواقي ليك شهقة غريق
يتشابَى بي آخر نَفَس
صرخات نداهو المستغيث
دوّت في صمت الليل جرس
إستدعى إسمك طوق نجاة
ما كلّ صوتو ولا انحبس
مستني فيك وعد الضفاف
إسترخى بين إيديكْ همس
**
أشواقي ليك ..
ولـَـه القماري وحِـنَّــها
شغَـفَـا ولُهاها وجَـنَّـها
لو فكَّ .... جنّح منَّها
بين الرياح ـ
طلْوَح جناها وطشَّ راح
لكنها ....
بالصبرِ تستنى الإياب
آهاتا ما قسّنها
بالصَّبْـرِ تحتمل الغياب
دمعاتا ما نسّنهامشتاقة لي ؟؟
واللهِ بالأكتر أنا !!ّ
**
واللهِ من شوقي العَلَي
أنا ماني عارف مين أنا !!
أنا هسّه ميت ولاَّ حي !!!؟
**
الانتظار قاسي ومرير
الثانية تتمدد سنة
مشتاق ومشتاق بالكتير
في الاحتمالات والمنى
إتلاشى كالحلم القصير
إتعبَّا واتوجّع ، غُنا
لو بي إيدَيْ كان المصير
أخفيكي جوة الذات هنا
**
أشواقي ليك شهقة غريق
يتشابَى بي آخر نَفَس
صرخات نداهو المستغيث
دوّت في صمت الليل جرس
إستدعى إسمك طوق نجاة
ما كلّ صوتو ولا انحبس
مستني فيك وعد الضفاف
إسترخى بين إيديكْ همس
**
أشواقي ليك ..
ولـَـه القماري وحِـنَّــها
شغَـفَـا ولُهاها وجَـنَّـها
لو فكَّ .... جنّح منَّها
بين الرياح ـ
طلْوَح جناها وطشَّ راح
لكنها ....
بالصبرِ تستنى الإياب
آهاتا ما قسّنها
بالصَّبْـرِ تحتمل الغياب
دمعاتا ما نسّنها
تتلهى بالأمل العــــذاب
ما خاب رجاها وظنها
**
أشواقي ليك
رحلات غيوم من غير بداية وانتها
عبَرَت فضاءات الحنين .. عدَّت حدود الإشتها
يا ريت عشان أوصل أجيك
يا ريتن ، لو يوم كنتها ..!


تتلهى بالأمل العــــذاب
ما خاب رجاها وظنها
**
أشواقي ليك
رحلات غيوم من غير بداية وانتها
عبَرَت فضاءات الحنين .. عدَّت حدود الإشتها
يا ريت عشان أوصل أجيك
يا ريتن ، لو يوم كنتها ..
!
الرجوع الى أعلى الصفحة اذهب الى الأسفل
الشجن الاليم
العضو الفعال
العضو الفعال
الشجن الاليم


عدد المساهمات : 131
عدد النقاط : 210
تاريخ التسجيل : 11/04/2011

وهل هناك أروع مما قال مبدعنا السر عثمان الطيب Empty
مُساهمةموضوع: إنت وين   وهل هناك أروع مما قال مبدعنا السر عثمان الطيب I_icon_minitimeالأربعاء يونيو 08, 2011 7:19 pm

فى انتظارك من متين

قلبى يسأل انتِ وين؟

كل ثانية تمر بدونك

مُرة بحسبا بالسنين

فيها اشقى انا بى غيابك

فيها اموت انا مرتين

بين هواجسى الارقتنى

وبين دموعى الغرقتنى

السهر ونومى الضنين

ينفجر حزنى الدفين

وقلبى يسأل انتِ وين؟

محقت صبرو المخاوف

لما حسيت نبضو واقف

زى يتيم مهموم وخايف

يبكى مشتاقلك يفتش وماهو عارف

انتِ وين يا روحى انتِ؟
الرجوع الى أعلى الصفحة اذهب الى الأسفل
الشجن الاليم
العضو الفعال
العضو الفعال
الشجن الاليم


عدد المساهمات : 131
عدد النقاط : 210
تاريخ التسجيل : 11/04/2011

وهل هناك أروع مما قال مبدعنا السر عثمان الطيب Empty
مُساهمةموضوع: يا روحي   وهل هناك أروع مما قال مبدعنا السر عثمان الطيب I_icon_minitimeالأربعاء يونيو 08, 2011 7:22 pm

يا روحى من روحى بثيت لك اشجانى
ونثرت ليك بوحى افراحى واحزانى
***
وعبرت ليك الليل صوب الشموس الغر
وكسرت بيك القيد نحو الخيال الحر
ودفقت فى الاحلام كاس العذاب المر
فى حضنك انت ارتاح لو باقى لى عمر
***
يا روحى لو غنيت منك صدى حسى
لو مرة اتمنيت قربك منى نفسى
يا ريت حصاد الريد منك ثمار غرسى
ما كان مع الاحزان بالحسرة ضاع امسى
***
يا روحى منك كم .. كم بستمد الروح
لما اشكى ليك الهم ومعاكى يحلى البوح
فيك للفؤاد بلسم قبلك سنين مجروح
ما طابلو ضمة نغم قوقابو قمرى الدوح
***
الدنيا غير عينيك فى عينى ما بتسوى
لا يوم بلاكى بضوق طعم الحيا الحلوة
يا الانت بين الناس قمة صفا الصفوة
قلبى اصطفاك واختار وبدابك الخطوة
***
بى صدقك المطبوع فى قلبك العامر
والطيبة والاحساس واخلاصك النادر
يا واهبة من غير من بى كل طيب خاطر
اديتى روحى الروح من عطفك الغامر
الرجوع الى أعلى الصفحة اذهب الى الأسفل
الشجن الاليم
العضو الفعال
العضو الفعال
الشجن الاليم


عدد المساهمات : 131
عدد النقاط : 210
تاريخ التسجيل : 11/04/2011

وهل هناك أروع مما قال مبدعنا السر عثمان الطيب Empty
مُساهمةموضوع: بسامحك   وهل هناك أروع مما قال مبدعنا السر عثمان الطيب I_icon_minitimeالأربعاء يونيو 08, 2011 7:27 pm

كلما تقسى تجور على بسامحك والريدة تكتر
اعاتبك كيفن والومك غرامك قدرى المسطر
زمان من ايام صبايا زمن كان العمر اخضر
بشوف فيك حلمى ومنايا ومصيرى المكتوب مقدر
***
كبرت معاى شب ريدك متل تومى معايا يكبر
اتاتيهو متل جنايا الولى واحجيهو واسهر
اضاريهو واخاف عليهو كتمتو اتنفستو عنبر
سكن فى روحى ودمايا سرى وفى شريانى دور
***
على لو قلبك تجنى قسا ومن تالاى تحجر
اكوس لك عذر البريدك اسامحك وفى عينى تكبر
سنينم ودنين فى رجاكا قسالى وصالك تعذر
صبَر والدنيا العريضى تشيل من صبرى المصبر
***
بقيت غاية مشتهايا هواك اعتزابو افخر
هناء عمرى ختامو مسكك بلاك باب الريد مسوجر
وكت دابى لقيتك انت هواك فى دنيايا ازهر
كفاية اشوفك قريب عميرى معاك غصنو خدر
***
رضيت بالمقسومة لى كفاية على انت واكتر
كفاية يظللنى غيمك كفاى لو ما صب امطر
كفاية احس بى وجودك قليبك لى قلبى جاور
يعيشك حتى الثمالة شعورى بالريد مخدر
***
رضيت لو ماك من نصيبى حصادى ودهبى المجمر
كفاية عيونى التشوفك بريقك جواها نور
دحين اطامن وحاتك قليبى رهينك مسير
بلومو انا لو مرة لامك اعاتبو انا لو فيكى قصر
الرجوع الى أعلى الصفحة اذهب الى الأسفل
الشجن الاليم
العضو الفعال
العضو الفعال
الشجن الاليم


عدد المساهمات : 131
عدد النقاط : 210
تاريخ التسجيل : 11/04/2011

وهل هناك أروع مما قال مبدعنا السر عثمان الطيب Empty
مُساهمةموضوع: علميني   وهل هناك أروع مما قال مبدعنا السر عثمان الطيب I_icon_minitimeالأربعاء يونيو 08, 2011 7:32 pm

كل يوم ليك حبى يكتر برضى شايفو عليك شوية
علمينى احبك انتى زى محبتك انتى لى
كلما الاشواق تساسق القى غيماتك سخية
فيض حنانك لى دافق يا المشاعرك صادقة حية
يا الحبيبة الشايلة ريدى من سنين بينات ضلوعك
جوة فى نبضات قليبك فى ابتسامتك وفى دموعك
حافظا فى مقطع غنانا صاينا فى الناسينا ذكرى
وفى ظلت زهورو وفى نغيم يا يمة فكرة
ديمة تحرس فى ربيعك راجا لما يجيكى بكرة
فى انتظار الشمس تشرق ياما صاقرتى الليالى
تكتمى الشوق المبرح وتندهى الاحلام تعالى
ناسجة خيط الفجر ابيض فوق طريحات الصبايا
فى دفاترن انتى رسمة وهن يساسقن للقراية
تحكى ليهن عن هواكى وعن حبيِب ريدو غالى
وكل ما الايام تولى وتشعل الحن والعواطف
لا بيهز قدرك ثباتك لا بتزازيك المخاوف
لا جبل صبرك تفتت فى وشى الريح والعواصف
ماسكى فى العشم الببرى قلبك المجروح ونازف
منك النفس البيطلع منو قوقاى القمارى
هدهد الزول البيقرع بالكوارديق والطوارى
الوصايا التبقوا عشرة
ساعة السفار تلوح بى ايديها وبى دموعا
لما تبقى رهاب عيونا وللبلد يصعب رجوعا
والدجناين والحوارى بين ضجيج مكن اللوارى
وحس نواحات البوارى بين دخاخين البخارى
حس صفافيرو الحزينة تفجع الناس التودع
الصبر يصعب عليها تنتحب تبكى وتدمع
وانتى بى اطراف طريحتك النخيل كفكفتى دمعو
يا الهموم الناس همومك الجرف خدرتى زرعو
البلد آسيتى جرحو والبطينين بيكى فرحو
بين ايديك قلبى المدلل
ياما فى روعة مشاعرك يستريح وينوم ويصحو
ريدك انتى كتير على لو صحيح انا بستحقو
علمينى احبك انت لو قليل اوفيهو حقو
علمينى احبك انتى زى محبتك انتى لى
علمينى عشان عيونك انده الريح للقوافى
تحتويك جنحات حروفى
بيك ترك عند السواحل فوق منارات المرافى
تحلب الغيمة الدرورة لى يبابات المنافى
غنوة تطلع من صمودك رمز للفرح الاضافى
علمينى بدون عيونك ما اكون لا غيرن ابقى
احيا واتنفس هواهن كل زفرة وكل شهقة
القى مأمن فى ضراهن لا اهم لا تانى اشقى
فى منامن وفى صحاهن
امشى فى سكة خطاهن وابقى ليهن ديمة رفقة
علمينى وعلمينى
كيفن الزول يفنى روحو ويرضى بالمقسوم مقدر
من حلاة ريدو البعيشو يدى مر الصبر سكر
ومن جمر صبرو المولقد ضو ظلمة ليلو نور
ومن ظلامات ليل عذابو يرجى طلعة صبحو تظهر
حتى لو غاب صبحو طول عن مواعيدو وتاخر
هو المواعيد يحتريها حتى لو لى عمرو ودر
علمينى وعلمينى
كيفن الزول طول حياتو يستميت فى ريد حبيبو
يبل الغالى ويضحى يرضى بالجايى ويصيبو
ينتظر حلمو الرجاهو يمكن الايام تجيبو
رغم انو السكة قاسية ماشى ما حاد عن دريبو
علمينى وعلمينى
كيفن الزول يحتويهو ريدو فى كل ارتعاشة
خفقة فى الزول البيهتف وعى فى اللحظة المعاشة
يرجا فى طلة حبيبو بالتباشير والبشاشة
زى تلهف زهرة ترقب بالفرح جية الفراشة
علمينى وعلمينى
الحبيب مهما ينسى برضو نغفر له ونسامح
لو قسى وما حس بينا ومهما كان غير قصد جارح
نحن نتحمل جفاهو لا بنصرح ولا بنصارح
بكرة يشعر بينا قلبو ويتلقى المن ايدنا رايح
الرجوع الى أعلى الصفحة اذهب الى الأسفل
الشجن الاليم
العضو الفعال
العضو الفعال
الشجن الاليم


عدد المساهمات : 131
عدد النقاط : 210
تاريخ التسجيل : 11/04/2011

وهل هناك أروع مما قال مبدعنا السر عثمان الطيب Empty
مُساهمةموضوع: رد: وهل هناك أروع مما قال مبدعنا السر عثمان الطيب   وهل هناك أروع مما قال مبدعنا السر عثمان الطيب I_icon_minitimeالأربعاء يونيو 08, 2011 7:37 pm

حاكتب لك

لآخر شهقة فى نفسى الاخير بكتب
لآخر زفرة فى حزنى المرير بكتب
لآخر قطرة فى دمعى الغزير بكتب
***
حاكتب لك
لآخر لحظة ما بين الوجود والموت
مسجى على قفاى مبهوت
اعاين فى فوات الفوت
واشهِد فى غناى على بآخر صوت
***
حاكتب لك
واظل مفتوح عليكى كتاب
حروف ترجاك على الابواب
وغيرك ما لقت احباب
ولا غيرك لقت اصحاب
ولا كانت بلاك فرحة
ولا اكتملت على صفحة
معانى الالفة والترحاب
***
حاكتب لك
الى ما شاء فعل الحب
الى ما ناء بحملو القلب
الى ما لا نهاية الدرب
بكتب لك
***
حاكتب لك
لآخر شمعة فى وجه الظلام والريح
تقاوم وتحترق لوعة واسى وتبريح
وتفرد كم شراع للنو
وتدى الليل اغانى الضو
وتفتح للشمس منفذ بلا تصريح
***
حاكتب لك
لآخر موجة فى بحر الهوى العاصف
تشيلنى مع الرحيل المر جرح نازف
ولا اصوات نداى كلت ولا بيرجع صداى آسف
***
حاكتب لك
الى ترتمى الصخرة بحضن الغنوة والاوتار
الى ان تكتسى الزهرة نداوة الغيمة والامطار
الى ان يحتوى المنديل مرارة الدمعة والتذكار
الى ان تحتمى الآهة من الشوق بى لهيب النار
الى ان تكتفى الضفة من السفر المع التيار
***
حاكتب لك
الى ان تستفيق نسمة من الصمت المباريها
الى ان تنعتق نجمة من الليل المضاريها
الى ان تفترق بسمة من الهم المواريها
الى ان تنطق الكلمة وحروفا تقول معانيها
***
حاكتب لك
الى ان .. ان
الى ان .. ان
حاكتب لك لآخر (ان)
لآخر (ان)
حاكتب لك .. حاكتب لك
الرجوع الى أعلى الصفحة اذهب الى الأسفل
الشجن الاليم
العضو الفعال
العضو الفعال
الشجن الاليم


عدد المساهمات : 131
عدد النقاط : 210
تاريخ التسجيل : 11/04/2011

وهل هناك أروع مما قال مبدعنا السر عثمان الطيب Empty
مُساهمةموضوع: رد: وهل هناك أروع مما قال مبدعنا السر عثمان الطيب   وهل هناك أروع مما قال مبدعنا السر عثمان الطيب I_icon_minitimeالأربعاء يونيو 08, 2011 7:42 pm

تسافرى ويسافر معاك الزمان الربيع
يفارقنى يرحل معاكى المكان البديع
غناى البوادعك تخونو استطاعة احتمال الدموع
***
اكوس لى زمانى الوراك ماهو فى
افتش لصبحو القبيل كان وفى
اشوف الشموس فى السواد تختفى
وجوه الصباح بى قناع الجراح تحتفى
مطالع النهار فى الظلام تنكفى
حقيقة الزمان الحنين تنتفى
يغيب الشروق والغروب ينطفى
اموت الف مرة اموت وانطفى
اموت راضى عنى قناعاتى انى
احبك كأنى
بحُبك اعوض غياب الزمان الحميم واكتفى
***
بلاكى المكان من مكانو اختفى
كأن القريب والبعيد انتفى
كأن البراح الفسيح انكفى
على نزف جرح الرحيل والجفا
يهاجر كهاجر فؤادى الحِفا
بلود لا بتحانن ولا بيالفا
حدود لا بتهادن ولاب يعرفا
مزمزم خيالو البدور يوصفا
يموت راوى ظنو قناعاتو انو
بحُبك دا عوَض غياب الزمان الحميم واكتفى
***
تعودى ويعود الزمان الوديع
معاكى المكان لا بيطش لا بيضيع
غناى يوم يسالمك
تصونو ابتهاجات لقاك والرجوع
الرجوع الى أعلى الصفحة اذهب الى الأسفل
الشجن الاليم
العضو الفعال
العضو الفعال
الشجن الاليم


عدد المساهمات : 131
عدد النقاط : 210
تاريخ التسجيل : 11/04/2011

وهل هناك أروع مما قال مبدعنا السر عثمان الطيب Empty
مُساهمةموضوع: عن ريدك ما متخلي   وهل هناك أروع مما قال مبدعنا السر عثمان الطيب I_icon_minitimeالأربعاء يونيو 08, 2011 7:46 pm

روح الرايدك
نبضو ودمو .. ذاتو ونفسو
يا انفاسو واحساس قلبو وقلب احساسو
نور قمراتو .. ويا ضى شمسو
روعة ضحكتو سمرو وانسو
منك دافقة مباهج عرسو
فيكى حياتو منابت غرسو
***
يا متصدية لى آهاتو مطالع ريد وبشاير
يا متفتحة فوق احزانو حدايق حب وازاهر
يا انسانو الانتِ امانو وسر ايمانو
ينبع منك نغم الحانو جمال ومشاعر
واقى كيانو قواسى الدنيا
وظلم الزمن الغادر وجاير
ناقر وتر احساس الشاعر
كتب اسرار الهامو اغانى
وبقى مجنونك
عاشق فيك اشراق البسمة
البتفيض رقة وحنية
صار مفتونك هاوى عيونك
رايعة وحالمة
صاحية كأنها بين احضانك راقدة ونايمة
***
يا منداحة كغيمة رحمة
كل ما تمطرى ولا تضلى
تندى الخطوة التحتى وضُلى
يسقى رشاشك بعضى وكِِلى
منى وليك مشورتَ النسمة
طلعت منى عليك مندلى
جات رويانة قبل توصل لى
بلت شوقى الراحل غيمو
خلت نغمى يغنى تملى
انا بهواك يا نبضى وروحى
انا بهواك يا آسية جروحى
وانا عن ريدك ما متخلى
ما متخلى وما متخلى
الرجوع الى أعلى الصفحة اذهب الى الأسفل
الشجن الاليم
العضو الفعال
العضو الفعال
الشجن الاليم


عدد المساهمات : 131
عدد النقاط : 210
تاريخ التسجيل : 11/04/2011

وهل هناك أروع مما قال مبدعنا السر عثمان الطيب Empty
مُساهمةموضوع: رد: وهل هناك أروع مما قال مبدعنا السر عثمان الطيب   وهل هناك أروع مما قال مبدعنا السر عثمان الطيب I_icon_minitimeالأربعاء يونيو 08, 2011 7:48 pm

لو ما الريدة قسمة وحب الناس مذاهب
كيف الدنيا تصفى وتحلى مع الحبايب
ياما فى زول بيهوى من خالص ضميرو
زول والزول بيهوى واحد تانى غيرو
وبرضو التانى راهن بى آخر مصيرو
ياها الدنيا حالا دنيا من العجايب
فيها الريدة قسمة وحب الناس مذاهب

كم انسان معذب رضيان بى عذابو
ضيع عمرو كلو وافنى سنين شبابو
ما ضاق السعادة ولا الهنا دق بابو
كاسرة الدنيا خاطرو وديمة رجاهو خايب
اصلو الريدة قسمة وحب الناس مذاهب

وانسان من صغير تلقى الناس تريدو
تشقى عشان رضاهو رغماً عن صدودو
تسعدو تصطفيهو وليهو الحب تزيدو
ودايماً ماسكة سيرتو موجود ولا غايب
ماهى الريدة قسمة وحب الناس مذاهب

تلقى حبيب حنين للمحبوب يآسى
قلبو تملى طيب طبعو ولوف وراسى
وتلقى البنسى ناسو جافى نفور وقاسى
وتلقى العاجبا روحو واللى عمرو واهب
اصلو الريدة قسمة وحب الناس مذاهب

ولسة الدنيا حلوة حلوة مع الاحبة
عامرة الناس قلوبا بالخير والمحبة
مرة القاسية تسهل ومرة الساهلة صعبة
ما حد بالتمنى يوم نال المطالب
قسمة الريدة قسمة وحب الناس مذاهب
الرجوع الى أعلى الصفحة اذهب الى الأسفل
الشجن الاليم
العضو الفعال
العضو الفعال
الشجن الاليم


عدد المساهمات : 131
عدد النقاط : 210
تاريخ التسجيل : 11/04/2011

وهل هناك أروع مما قال مبدعنا السر عثمان الطيب Empty
مُساهمةموضوع: رد: وهل هناك أروع مما قال مبدعنا السر عثمان الطيب   وهل هناك أروع مما قال مبدعنا السر عثمان الطيب I_icon_minitimeالأربعاء يونيو 08, 2011 7:53 pm

الخرطوم بدونِك!!
ضهباني ..
وتفتِّش لى واحات عيونِك

**
تاهَت في الهجاير
باهِت لون جبينا
تتلفَّت تعايِن
مالي الشوق عيونا
تتعشَّم ، تصادفِك نظراتا الحزينة
تصغر بين زحاما
وتصبح ما مدينة

**
يكسي الليل بيوتا
وتتوشّح ظلاما
يحكى الحال سكوتا
ويتبعثر كلاما
فقدت يوم رحيلك طعم الابتسامة

**
النيل .. فوق خدودا .. دمعة بكت عليكي
قبلِ يحين فراقِك
ملتاع مشتهيكي
لو يقدر .. يغيِّر مجراهو ويجيكي
طافت بين ضفافا
كايساكي المراكب
وقمريّات تنادت للعُش في المغارب
والعُش.. يا حِليلِنْ .. عَصَفَتْبُو الهبايب

**
أرصفة الأماني .. طال فيها انتظارا
ساعت اللقيا عدّت .. وفات ميعاد قطارا
هزَّتْ راسا
بِلْعَتْ غمَّها وانكسارا

**
فاقداكي المآذن ..
واجراس الكنايس
لماّت المآتم .. وزفّات العرايس
السُّمرة الأصيلة .. وايَّاما العوابس
هجرات الغمايم
واطفال المدارس

**
تسألني الشوارع
عنَّك وعن مكانِك
جلسات الفتارى المنتظرين أوانِك
همهمة الحيارى .. والباكين عشانِك
الناس يسألوني
واسأل غيري عنِّك
سبب الفُرقة نحنَ .. ولاَّ الجفوة منِّك
وليه الغيبة طالت؟؟
ليه يا المِشْتَهِنِّكْ
؟؟
[i]
الرجوع الى أعلى الصفحة اذهب الى الأسفل
الشجن الاليم
العضو الفعال
العضو الفعال
الشجن الاليم


عدد المساهمات : 131
عدد النقاط : 210
تاريخ التسجيل : 11/04/2011

وهل هناك أروع مما قال مبدعنا السر عثمان الطيب Empty
مُساهمةموضوع: قلبي الموجع   وهل هناك أروع مما قال مبدعنا السر عثمان الطيب I_icon_minitimeالأربعاء يونيو 08, 2011 8:02 pm

[center]الله يا خلايا لى قلبى الموجع
حبى فارق تانى ما ظنيتو يرجع
وين صفا ايامنا لما زمنا طاوع
كنا ننهل ديمة من فيض عطفو نرضع
للامانى الحلوة والآمال بنزرع
نبنى عش لارواحنا بعد الفرقة يجمع
فى الاماسى الحالمة لما قمرنا يسطع
كان نبث نجوانا والنيل جارى يسمع
يا حليل آمالنا ضاعت مننا اسع
قلنا نسرع ليها كان مقدورنا اسرع
آه وآه محبوبى دمعو ودمعى ترع
لما قالد ليا بالاحضان وودع
قت لو نان يا حبى حالى دا ما بيشفع؟
كيف تروح وتسيبنى حبك فى ترعرع
قالى لا تبكينى كيفن منك اقنع
ما دى عاد قسمتنا لابد ليها نخضع
ماهوراضى الفوتة كم خطوات تراجع
لما غاب واتوارى ليهو عيونى تتبع
مالو فات خلانى للاحزان تجرع
من بحور دمعاتى قلبى انا شال وكرع
ما خلاص فى روضى زهرى انا جف وقع
ما اظن والله تانى اشوفو اينع
والكنار فى غصنو ما جاب لحن وابدع
فاتو سيد الهامو كيفن تانى يسجع
الصبر ما قالو للممكون بينفع
مالو ما داوانى بيهو انا كم تذرع
[/center]
الرجوع الى أعلى الصفحة اذهب الى الأسفل
الشجن الاليم
العضو الفعال
العضو الفعال
الشجن الاليم


عدد المساهمات : 131
عدد النقاط : 210
تاريخ التسجيل : 11/04/2011

وهل هناك أروع مما قال مبدعنا السر عثمان الطيب Empty
مُساهمةموضوع: رد: وهل هناك أروع مما قال مبدعنا السر عثمان الطيب   وهل هناك أروع مما قال مبدعنا السر عثمان الطيب I_icon_minitimeالأربعاء يونيو 08, 2011 8:08 pm

فااااااااااااااااااااااااااااااااصل







ولنا عودة
الرجوع الى أعلى الصفحة اذهب الى الأسفل
 
وهل هناك أروع مما قال مبدعنا السر عثمان الطيب
الرجوع الى أعلى الصفحة 
صفحة 1 من اصل 1
 مواضيع مماثلة
-
» قصائد للشاعر جاد الله عثمان
» ترحيب بالعضو الجديد ود عثمان
» أروع ما أنحفنا به القامه التجاني حاج موسي
» السر بشهر العسل
» ترحيب بالعضو الجديد احمد تاج السر

صلاحيات هذا المنتدى:لاتستطيع الرد على المواضيع في هذا المنتدى
منتدي الحماداب ( كبوشيه ) :: المنتدييات العامة :: المنتدي الثقافي-
انتقل الى: