أمثال سودانية

البيتو من زجاج ما يجدع الناس بالطوب

شوكت الشقي في الكبدة تتلقي

المجبور يجيب موية بروده

جارك القريب ولا ود امك البعيد

التسوي كريت تلقاه في جلدها

الزاد كان ماكفي ناس البيت حرم علي الجيران

اخوك كان حلقوا ليه بل راسك واقعد استني

الحسنة في المابسواها اذية للسواها

الحسنة في المنعول ذي الشرا في القندول

المافيهو خير لي نفسو مافيهو خير للناس

الشكية لي غير الله مذلة

التسويه بي ايدك يغلب اجاويدك

درب السلامة للحول قريب

الما شفتو في بيت ابوك بخلعك

الباب البجيب الريح سدو واستريح

الماشاف البحر تخلعوا الترعة

المال تلتوا ولا كتلتوا

القارصو الدبيب بخاف من مقود الحبل

الكحة ولا صمة الخشم

سلمت يداك

تسلم سيف
مشكووور علي المرور

بِيجي الخَرِيف واللّواري بِتْقيف

القُفّة أُم اِضْنَيْنَ بِشِيلُوها نفرين

اتنين كان قالوا ليك أضَانْك مافى اهْبِشَها

سِيدْ الرّايْحَة بِفْتَح خَشْم البقرة

الما دَارْك ما خَرْبَشك

الماشاف البحر تَخْلعُوا التُرْعَة

الجمل ما بِشُوف عَوَجَة رَقَبْتُو

القَلَمْ ما بِزِيل بَلَمْ

درب السلامة لِلِحول قريب

بليلة مُبَاشر ولا ضبيحة مُكَاشر

الضَايِقْ لدْغَة الدَبِيب يخاف من جَرّ الحَبِل

الجَمْرة تَحْرِق الوَاطِيها

العندو الضَهر ما بِنْدَقّ علي بَطنُوا

الِبباري الجِدَاد بِمْشِي الكُوشَة

البِجَاور السّعيد بِسْعَد

أبْ سِنّة بِضْحَك على أبْ سِنّتين

الواضِحْ ما فَاضِح

فى الوَشْ حَبايب وفى القَفَا دبَايِبْ

البحر بِشيل عَوّامو

خَرْبَانة ام بناياً قش

بَخِيت شَكَروه قال دَاك شهر تَانى

بركة الكلام في قِلّتُو

الحوت ما بِهَدِدُوه بالغرق

الشطة أذا حَرّقتك ما تشرب مويه مَغْلّيه

الراكِب فى الجَبل أسْنانو ما بِتتشَاف

أكل الحرام ما بِزِيد الطُول

القعاد مع الخواجات ما بغير اللون

الجَايَاك ما بِتتْخَتاك

الحساب ولد

الحَلّفك كَتَلك والشّكَاك عَاداك

إن جَنّك ضَرَرين شِيل الأخَفّ

ابْلمْ مُو شَقِي شَقِي البِتْكلّم مَعَاهُ

والشقي في الكبده بلقي عضم
مشكور يا زعيم

موضوع: مرور الخميس يونيو 30, 2011 2:49 pm

امثال ممتازة تدل على اصالة وكرم اخلاق اهلنا شكرا ليك ياشجن الحليم واضيف مثل وهو الخايف من لسعة الشوربة ينفخ في الزبادي

موضوع: شرح ومناسبة الخميس يونيو 30, 2011 2:56 pm

التحية ليك يا زعيم لكن نرجو توضيح بعض هذه الامثال يعني مثلا
أبلم مو شقي شقي البتكلم معاه
الراكب في الجبل أسنانو ما بتتشاف
بخيت شكروه قال داك شهر تاني
مع جزيل الشكر يازعيم

ابْلمْ مُو شَقِي شَقِي البِتْكلّم مَعَاهُ

الابلم أي الذي لا يفهم فهو لن يتعب

أو يغلب إذا تكلمت معه

فأنت من سوف يتعب ويفيض بك الكيل.

بَخِيت شَكَروه قال دَاك شهر تَانى

وهي النكتة المعروفة أنه كانت هناك

جائزة لمن يرى هلال رمضان فرأه شخص

اسمه ( بخيت ) ولما شكروه قال لهم

وذلك هلال آخر .

الراكب في الجبل أسنانو ما بتتشاف

هذا المثل يطلق لمن صعد العلالي

بالجد والاجتهاد والتعب والشغي ولكنة

صل في الناهية بس بعد اضرار ظاهرة

كمثل الذي يصل الي قمة الجبل وقد

وقعت جميع اسنانة من الوقوع والجد

والله اعلم

ارجو ان اكون قد اوضحت لك ما خفي عنك

او ما اردت ان تعلمعة اخي ابو المنذر

ودمتم جميعا

ودمت اخي ابو المنذر زخرا لهذا المنتدي

وشكرا

» اشعار سودانية